സ്പോർട്സ് ഡെസ്ക്ക് : ഇന്ത്യയുടെ ഏകദിന ടീമിലേക്ക് വരേണ്ട താരമാണ് സർഫറാസ് ഖാൻ എന്ന് സഞ്ജയ് മഞ്ജരേക്കർ. ഇംഗ്ലണ്ടിനെതിരായ മൂന്നാം ടെസ്റ്റിലെ സർഫറാസ് ഖാന്റെ പ്രകടനത്തെ കുറിച്ച്‌ സംസാരിക്കുക ആയിരുന്നു സഞ്ജയ് മഞ്ജരേക്കർ.അരങ്ങേറ്റ ടെസ്റ്റില്‍ രണ്ട് മത്സരങ്ങളിലും സർഫറാസ് അർധ സെഞ്ച്വറി നേടിയിരുന്നു. ആദ്യ ഇന്നിംഗ്സില് സർഫറാസ് 66 പന്തില്‍ 9 ഫോറും 2 സിക്സും സഹിതം 62 റണ്‍സ് നേടി റണ്ണൗട്ട് ആയി. രണ്ടാം ഇന്നിംഗ്സില് അദ്ദേഹം 72 പന്തില്‍ 6 ഫോറും 3 സിക്സും സഹിതം 68 റണ്‍സുമായി പുറത്താകാതെ നില്‍ക്കുകയും ചെയ്തു. 26 കാരനായ സർഫറാസ് 50 ഓവർ ഫോർമാറ്റില്‍ ഇന്ത്യയുടെ മധ്യനിരയ്ക്ക് ഒരു മുതല്‍കൂട്ടാകും എന്ന് മഞ്ജരേക്കർ പറഞ്ഞു. “ഇന്ത്യ ഒരു മികച്ച 50 ഓവർ മിഡില്‍ ഓർഡർ ബാറ്റർ ഓപ്ഷൻ കണ്ടെത്തിയെന്ന് ഞാൻ കരുതുന്നു, മധ്യ ഘട്ടത്തില്‍ ബാറ്റ് ചെയ്യാൻ, സർക്കിളിനുള്ളില്‍ 5 ഫീല്‍ഡർമാരുള്ളപ്പോള്‍ ബാറ്റ്ചെയ്യാൻ, സർഫ്രാസ് ഖാനാണ് വേണ്ടത്.” മഞ്ജരേക്കർ പറഞ്ഞു.
