ഏറ്റുമാനൂർ : കോട്ടയം കേന്ദ്ര ഇലക്ഷൻ കമ്മീഷൻ അംഗീകരിച്ച യഥാർത്ഥ എൻ. സി. പി.യുടെ കോട്ടയം ജില്ലാ വനിത സംഗമം ഫെബ്രുവരി 28 -ന് രാവിലെ 11ന് കോട്ടയം പടിഞ്ഞാറേക്കര ഓഡിറ്റോറിയത്തിൽ നടക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. എൻ.സി.പി. സംസ്ഥാന അധ്യക്ഷൻ എം. എ.മുഹമ്മദ് കുട്ടി സമ്മേളനം ഉദ്ഘാടനം ചെയ്യും. വിവിധ രാഷ്ട്രീയ പാർട്ടികളിൽ നിന്നും എൻ.സി.പി.യിൽ എത്തിയ പ്രവർത്തകരെ അദ്ദേഹം ഷാൾ അണിയിച്ച് സ്വീകരിക്കും. കോട്ടയം ജില്ലാ പ്രസിഡന്റ് മുരളി തകിടിയേൽ അധ്യക്ഷത വഹിക്കും.
സംസ്ഥാന വൈസ് പ്രസിഡന്റ് അഡ്വ. റോയി വാരിക്കാട് മുഖ്യപ്രഭാഷണം നടത്തും. വനിതാ സംഘം സംസ്ഥാന വൈസ് പ്രസിഡന്റ് സബിതാ രാജൻ, ഡോ. തോമസ് അഗസ്റ്റിൻ, രാജേഷ് നട്ടാശേരി, ബിനു മറ്റക്കര , ഡേവിഡ് പി. ജോൺ തുടങ്ങിയവർ പ്രസംഗിക്കും. രാവിലെ 11ന് തിരുനക്കര പഴയ ബസ് സ്റ്റാൻഡിൽ നിന്ന് ആരംഭിക്കുന്ന വനിത കളുടെ റാലി സംസ്ഥാന വൈസ് പ്രസിഡന്റ് ഷാജി ഫിലിപ്പ് ഫ്ലാഗ് ഓഫ് ചെയ്യും. ജില്ലാ പ്രസിഡൻ്റ് മുരളി തകിടിയേൽ , സംസ്ഥാന വൈസ് പ്രസിഡൻ്റ് ഷാജി ഫിലിപ്പ്, കെ .എം . നൂർജഹാൻ, രാജേഷ് നട്ടാശേരി, കെ. എം. ജലീൽ എന്നിവർ പത്രസമ്മേളനത്തിൽ പങ്കെടുത്തു.
