ന്യൂസ് ഡെസ്ക് : പഞ്ചാബിലെ നാംധാരി ഗ്രൗണ്ടില്‍ ഇന്ന് 3 :30 നു നടക്കുന്ന ഐ ലീഗ് മത്സരത്തില്‍ ഗോകുലം കേരള എഫ് സി നാംധാരി എഫ് സിയെ നേരിടും.പതിനാറ് മാച്ചുകളില്‍ നിന്ന് 32 പോയിന്റ്‌സുമായി രണ്ടാം സ്ഥാനത്താണ് ഗോകുലം ഇപ്പോള്‍, 11 ആം സ്ഥാനത്തുള്ള നാംധാരിക്ക് 15 മാച്ചുകളില്‍ നിന്ന് 12 പോയ്ന്റ്സ് മാത്രമാണ് ഇതുവരെ നേടാനായത്. ഐലീഗില്‍ 6 തുടർ വിജയങ്ങളുമായി മിന്നും ഫോമില്‍ കളിക്കുന്ന ഗോകുലത്തിന് നാമധാരിയെ എളുപ്പം മറികടക്കാനായേക്കും എന്നാണ് കരുതുന്നത്.
ലീഗിലെ ടോപ് സ്കോറെർ ആയ ഗോകുലത്തിന്റെ ക്യാപ്റ്റൻ അലക്സ് സാഞ്ചസ് ലോപ്പസ് ചർച്ചില്‍ ബ്രദേഴ്സ് എഫ് സി ഗോവയുമായി അവസാനം നേടിയ ഗോളിലൂടെ തന്റെ കരിയറിലെ 200ആം ഗോളില്‍ എത്തിയിരുന്നു. ഗോകുലത്തിന്റെ മുന്നേറ്റത്തിലെ പ്രധാനിയാണ് അലക്സ് . സീസണില്‍ മുൻപ് കോഴിക്കോട് ഇ എം എസ് സ്റ്റേഡിയത്തില്‍ വച്ചുനടന്ന ഗോകുലത്തിന്റെ ഹോം മത്സരത്തില്‍ 2 -2 നു സമനില നേടാൻ നാംധാരിക്കായിരുന്നു. മത്സരത്തിന്റെ തത്സമയ സംപ്രേക്ഷണം ഉണ്ടായിരിക്കുന്നതല്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇന്ന് മറ്റൊരു മത്സരത്തില്‍ കിരീടപോരാട്ടത്തില്‍ ഗോകുലത്തിന്റെ വെല്ലുവിളികളായി നില്‍ക്കുന്ന ശ്രീനിധി ഡെക്കാനും മൊഹമ്മദൻസും നേർക്കുനേർ വരുന്നുണ്ട്.
