മുതുകുളം : ആലപ്പുഴയിൽ കാണാതായ യുവാവിനെ കടലില്‍ മരിച്ച നിലയില്‍ കണ്ടെത്തി. പത്തിയൂർ 15-ാം വാർഡ് പുല്ലുകുളങ്ങര കണ്ണമ്പള്ളി ഭാഗം മേട്ടുതറയില്‍ സുരേഷ് കുമാറിന്റെ മകൻ അഖില്‍ സുരേഷാ(26)ണ് മരിച്ചത്. തിങ്കളാഴ്ച രാവിലെ ഏഴരയോടെ ആറാട്ടുപുഴ പെരുമ്പളളി ജങ്കാർ ജങ്ഷന് വടക്ക് തീരത്തോട് ചേർന്ന് പരമ്പരാഗത മത്സ്യത്തൊഴിലാളികളാണ് മൃതദേഹം കണ്ടത്. ഞായറാഴ്ച രാത്രി അഖിലിനെ കാണാതായതിനെ തുടർന്ന് കായംകുളം പോലീസില്‍ പരാതി നല്‍കിയിരുന്നു. എൻജിനീയറിങ് ബിരുദധാരിയായ അഖില്‍ കുണ്ടറയിലെ സ്വകാര്യ കമ്പനിയില്‍ ജോലി ചെയ്തുവരികയായിരുന്നു. പോലീസെത്തി മൃതദേഹം കായംകുളം താലൂക്ക് ആശുപത്രിയിലേക്ക് മാറ്റി.
Advertisements
