മൂവി ഡെസ്ക്ക് : മോഹന്‍ലാല്‍ നായകനായി എത്തുന്ന എമ്പുരാന്‍ മൂന്നാം ഷെഡ്യൂള്‍ യുഎസില്‍ കഴിഞ്ഞ ദിവസമാണ് പൂര്‍ത്തിയായത്. പൃഥ്വിരാജ് സംവിധാനം ചെയ്യുന്ന ചിത്രത്തിന്റെ പുതിയ ഷെഡ്യൂളുകള്‍ ഇന്ത്യയിലാണ് പ്ലാന്‍ ചെയ്തിരിക്കുന്നത്.ചെന്നൈയിലും കേരളത്തിലുമായി അടുത്തഘട്ട ചിത്രീകരണം പൂര്‍ത്തിയാകും.
മുണ്ട് മടക്കി കുത്തി സ്റ്റീഫന്‍ നെടുമ്പള്ളിയായി മോഹന്‍ലാല്‍ എമ്പുരാനില്‍ എത്തുമോ എന്നതാണ് കണ്ടറിയേണ്ടത്.സ്റ്റീഫന്‍ നെടുമ്പള്ളിയെന്ന ഖുറേഷി അബ്രമായി മോഹന്‍ലാല്‍ ചിത്രത്തില്‍ പ്രത്യക്ഷപ്പെടുക എന്നാണ് റിപ്പോര്‍ട്ടുകള്‍. ലൂസിഫറില്‍ കണ്ട ആളാവില്ല രണ്ടാം ഭാഗത്തില്‍.ഖുറേഷി അബ്രഹാമിന്റെ അറിയാ കഥകള്‍ തേടിയാണ് രണ്ടാം ഭാഗം സഞ്ചരിക്കുന്നത്. അതിനാല്‍ തന്നെയാണ് വിദേശരാജ്യങ്ങളില്‍ എമ്ബുരാന്‍ സിനിമ ചിത്രീകരിക്കുന്നത് എന്നാണ് റിപ്പോര്‍ട്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പൃഥ്വിരാജും മോഹന്‍ലാലും പ്രധാന കഥാപാത്രങ്ങളെ അവതരിപ്പിക്കുമ്ബോള്‍ നിര്‍ണായക വേഷത്തില്‍ ഇന്ദ്രജിത്തും ടോവിനോ തോമസും എത്തും. ടോവിക്കും ഇന്ദ്രജിത്തിനും അമേരിക്കന്‍ ഷെഡ്യൂളില്‍ ചിത്രീകരണം ഉണ്ടായിരുന്നു.ഗോവര്‍ദ്ധനായി ഇന്ദ്രജിത്ത്, ജതിന്‍ രാംദാസായി ടോവിനോ തോമസും പ്രത്യക്ഷപ്പെടും.ലൂസിഫറിലെ സയീദ് മസൂദിന് രണ്ടാം ഭാഗത്തില്‍ കൂടുതല്‍ പ്രാധാന്യമുണ്ടാകും.സുജിത് വാസുദേവാണ് ഛായാഗ്രാഹണം നിര്‍വഹിക്കുന്നത്.
