സിനിമ ഡസ്ക് : ഹൃദയത്തിനുശേഷം വിനീത് ശ്രീനിവാസൻ സംവിധാനം ചെയ്യുന്ന ഏറ്റവും പുതിയ സിനിമയാണ് ‘വർഷങ്ങൾക്കുശേഷം’. ചിത്രത്തിന്റെ ട്രെയിലർ നാളെ പുറത്തിറങ്ങും.നാളെ വൈകിട്ട് ആറുമണിക്ക് ട്രെയിലർ പുറത്തിറക്കും എന്നാണ് അണിയറ പ്രവർത്തകർ അറിയിച്ചിരിക്കുന്നത്.പ്രണവ് മോഹൻലാൽ, കല്യാണി പ്രിയദർശൻ, നിവിൻ പോളി, ധ്യാൻ ശ്രീനിവാസൻ, അജു വർഗീസ്, ബേസിൽ ജോസഫ്, നീരജ് മാധവ്, നീത പിള്ള, അർജുൻ ലാൽ, നിഖിൽ നായർ, ഷാൻ റഹ്മാൻ, വിനീത് എന്നിവരും ചിത്രത്തിലുണ്ട്. മെറിലാൻഡ് സിനിമാസിന്റെ ബാനറിൽ വിശാഖ് സുബ്രഹ്മണ്യമാണ് വർഷങ്ങൾക്ക് ശേഷം നിർമ്മിക്കുന്നത്. സൗഹൃദത്തിന്റെയും പ്രണയത്തിന്റെയും സിനിമയ്ക്കുള്ളിൽ സിനിമയുടെയും കഥ പറയുന്ന ചിത്രമാണ് ‘വർഷങ്ങൾക്ക് ശേഷം’ ചിത്രത്തിന്റെതായി പുറത്തിറങ്ങിയ പാട്ടുകൾക്കും ആദ്യ ടീസറിനും സോഷ്യൽ മീഡിയയിൽ നിന്ന് മികച്ച പ്രതികരണം ആയിരുന്നു ലഭിച്ചത്.ഈ അടുത്തകാലത്ത് വന്നതിൽ വമ്പൻ താരനിരയിൽ വരുന്ന മലയാള സിനിമ എന്ന പ്രത്യേകത കൂടി ഇതിനുണ്ട്. ഏകദേശം 50 ദിവസത്തിലധികം ആയിരുന്നു ചിത്രത്തിന്റെ ഷൂട്ടിംഗ്. ചിത്രം ഏപ്രിൽ 11ന് തിയേറ്ററുകളിൽ എത്തും
വിനീത് ശ്രീനിവാസൻ പ്രണവ് മോഹൻലാൽ നിവിൻ പോളി ടീമിന്റെ ‘വർഷങ്ങൾക്കുശേഷം’ ട്രെയിലർ നാളെ ആറുമണിക്ക് റിലീസ്
