ന്യൂസ് ഡെസ്‌ക്ക് : ഐപിഎല്‍ ആരംഭിച്ച് രണ്ടാഴ്ച പിന്നിടുമ്പോള്‍ കെകെആര്‍ ഒഴികെ എല്ലാ ടീമുകളും 4 മത്സരങ്ങള്‍ പൂര്‍ത്തീകരിച്ചിക്കുകയാണ്. പോയിന്റ് പട്ടികയില്‍ നിലവില്‍ സഞ്ജുവിന്റെ രാജസ്ഥാനാണ് ഒന്നാമത്. കളിച്ച നാലു മത്സരങ്ങളില്‍ നാലും ജയിച്ചാണ് സഞ്ജുവും പിള്ളേരും ഒന്നാമതെത്തിയത്. നാല് മത്സരങ്ങളില്‍ നി്ന്നായി 8 പോയിന്റാണ് നിലവില്‍ രാജസ്ഥാനുള്ളത്. മൂന്ന് മത്സരങ്ങളില്‍ മൂന്നും വിജയിച്ച കെകെആറാണ് പോയിന്റ് പട്ടികയില്‍ രണ്ടാമത്.തോല്‍വി അറിയാതെ എത്തിയ രാജസ്ഥാനും , കൊല്‍ക്കത്തയും ഒന്നും രണ്ടും സ്ഥാനം അലങ്കരിക്കുമ്പാള്‍ രാഹുല്‍ നയിക്കുന്ന ലക്‌നൗവാണ് മൂന്നാം സ്ഥാനത്ത് 4 മത്സരങ്ങളില്‍ നിന്നായി 6 പോയിന്റാണ് ലക്‌നൗവിനുള്ളത്. 4 മത്സരങ്ങളില്‍ നിന്ന് 4 പോയിന്റുമായി കഴിഞ്ഞ തവണത്തെ ചാമ്പ്യന്‍മാരായ ചെന്നൈയാണ് നാലാം സ്ഥാനത്ത് തുടരുന്നത്. രണ്ട് മത്സരങ്ങള്‍ തോറ്റപ്പോള്‍ രണ്ട് മത്സരങ്ങളില്‍ മാത്രമാണ് ചെന്നൈ സംഘത്തിന് ജയിക്കാനായത്.
