ന്യൂസ് ഡെസ്ക് : ഗുജറാത്ത് രാജസ്ഥാൻ മത്സരത്തിൽ ടോസ് നേടിയ ഗുജറാത്ത് ബോളിംഗ് തെരഞ്ഞെടുത്തു. മഴ മൂലം വൈകിയാണ് ടോസിംഗ് നടന്നത്. സീസണില്‍ തോല്‍വിയറിയാകെ കുതിക്കുന്ന ഏക ടീമായ റോയല്‍സിനു ബ്രേക്കിടാന്‍ ജിടിക്കു സാധിക്കുമോയെന്നാണ് ക്രിക്കറ്റ് ലോകം ഉറ്റുനോക്കുന്നത്. എട്ടു പോയിന്റാണ് സഞ്ജു സാംസണും സംഘവും ഇതിനകം പോക്കറ്റിലാക്കിയത്. പ്ലേഓഫെന്ന ലക്ഷ്യത്തിലേക്കു അതിവേഗം കുതിക്കുകയാണ് പിങ്ക് ആര്‍മി.
ലഖ്‌നൗ സൂപ്പര്‍ ജയന്റ്‌സിനെ 20 റണ്‍സിനു തോല്‍പ്പിച്ചാണ് സീണിനു റോയല്‍സ് തുടക്കമിട്ടത്. തുടര്‍ന്നുള്ള മല്‍സരങ്ങളില്‍ ഡല്‍ഹി ക്യാപ്പിറ്റല്‍സിനെ 12 റണ്‍സിനും മുംബൈ ഇന്ത്യന്‍സിനെ ആറു വിക്കറ്റിനും റോയല്‍ ചാലഞ്ചേഴ്‌സ് ബെംഗളൂരുവിനെ ഇതേ മാര്‍ജിനിലും റോയല്‍സ് കെട്ടുകെട്ടിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേസമയം, പുതിയ ക്യാപ്റ്റന്‍ ശുഭ്മന്‍ ഗില്ലിനു കീഴില്‍ പ്രതീക്ഷിച്ചതു പോലെയൊരു തുടക്കമല്ല സീസണില്‍ ജിടിക്കു ലഭിച്ചിട്ടുള്ളത്. പോയിന്റ് പട്ടികയില്‍ ഇപ്പോള്‍ ഏഴാംസ്ഥാനത്താണ് ജിടി. അഞ്ചു മല്‍സരങ്ങളില്‍ വെറും രണ്ടെണ്ണത്തില്‍ മാത്രമേ അവര്‍ ജയിച്ചിട്ടുള്ളൂ. ശേഷിച്ച മൂന്നിലും തോല്‍വിയേറ്റു വാങ്ങുകയായിരുന്നു.
