അമിതമൊബൈൽ ഉപയോഗം കുട്ടികളുടെ തലച്ചോറിനെ ബാധിക്കും : മെഡിക്കൽ കോളജ് മനോരോഗ വിഭാഗം അസ്സോസിയേറ്റ് പ്രൊ: ഗംഗ കൈമൾ

ഗാന്ധിനഗർ: അമിതമൊബൈൽ ഉപയോഗം, ലഹരി ഉപയോഗം പോലെ തന്നെ കുട്ടികളുടെതലച്ചോറിനെ നേരിട്ടു ബാധിക്കുമെന്നും, ഇത് ഭാവിയിൽ ഗുരുതരമായ വിവിധ ആരോഗ്യ പ്രശ്നങ്ങൾക്കുo, രോഗങ്ങൾക്കും കാരണമാകുമെന്ന് കോട്ടയം മെഡിക്കൽ കോളജ് മനോരോഗ വിഭാഗം അസ്സോസിയേറ്റ് പ്രൊ: ഗംഗ കൈമൾ.

ഗാന്ധിനഗർ മുടിയൂർക്കര ഗവ.എൽപി സ്കൂളിൽ, നവജീവൻ്റെ നേതൃത്വത്തിൽ,കുട്ടികളുടെ ഇടയിൽ വർദ്ധിച്ചു വരുന്ന അമിത മൊബൈൽ ഉപയോഗത്തിനും, കൗമാരക്കാരുടെ ലഹരി പദാർത്ഥ ഉപയോഗങ്ങൾക്കെതിരെയുമുള്ള ബോധ വൽക്കരണ പദ്ധതിയായ സന്മാർഗ്ഗദർശനത്തിൻ്റെ ജില്ലാതല ഉദ്ഘാടനം ചെയ്യുകയായിരുന്നു ഡോ.ഗംഗ കൈമൾ.

ഈ ദൂഷ്യവശങ്ങളുടെ ഉപയോഗം കണ്ടെത്തുവാൻ രക്ഷിതാക്കളും, അദ്ധ്യാപകരും അതീവ ജാഗ്രത പാലിക്കണമെന്നും, ഇല്ലെങ്കിൽ ഭാവിയിൽ സമൂഹത്തിനാകെ ദോഷകരമായിരിക്കും ഫല മെന്നും അവർ പറഞ്ഞു.നവജീവൻ ട്രസ്റ്റി പി.യു.തോമസ് അദ്ധ്യക്ഷത വഹിച്ചു.വാർഡ് കൗൺസിലർ സാബു മാത്യൂ, മുടിയൂർക്കര പള്ളി വികാരി ഫാ: എബ്രഹാം കാടാത്തുകുളം, ഹെഡ്മിസ്ട്രസ് കെ സിന്ധു, എന്നിവർ സംസാരിച്ചു. കുട്ടിയുടെ വായനാശീലം വർദ്ധിപ്പിക്കുവാൻ, വായനശാലയുടെ ഉദ്ഘാടനവും, സമ്പാദ്യ ശീലം വർദ്ധിപ്പിക്കുവാൻ, കുട്ടികൾക്ക് വീടുകളിൽ പണം സൂക്ഷിക്കുന്നതിനുള്ള ശേഖരണപ്പെട്ടികളും കൈമാറി.