തിരുവനന്തപുരം : ടി പി കേസ് പ്രതികളുടെ ശിക്ഷ വെട്ടിക്കുറച്ച്‌ വിട്ടയാക്കാനുള്ള നീക്കത്തിനെതിരെ കെ കെ രമയുടെ അടിയന്തരപ്രമേയ നോട്ടീസ് സ്പീക്കര്‍ തള്ളി. പ്രതികള്‍ക്ക് ശിക്ഷ ഇളവ് നൽകാൻ നീക്കം ഇല്ലെന്നു സർക്കാർ അറിയിച്ചു എന്ന് സ്പീക്കർ വ്യക്തമാക്കി. സബ് മിഷനായി ഉന്നയിക്കാം എന്ന് സ്പീക്കർ അറിയിച്ചു. ടിപി കേസ് പ്രതികളെ വിട്ടയക്കാൻ ശ്രമം നടക്കുന്നു എന്ന് ആക്ഷേപിച്ചാണ് നോട്ടീസ്, അങ്ങനെ ഒരു നീക്കം ഇല്ലാത്തതിനാല്‍ നോട്ടീസ് തള്ളുന്നു എന്നാണ് സ്പീക്കർ വ്യക്തമാക്കിയത്. പ്രതിപക്ഷം ശക്തമായി എതിർപ്പ് ഉന്നയിച്ചു. ഇളവ് നല്‍കാനുള്ള നീക്കത്തിന് തെളിവായി കത്തു പുറത്ത് വന്നിട്ടുണ്ടെന്ന് വിഡി സതീശന്‍ പറഞ്ഞു. സര്‍ക്കാരിന് ഭയം ആണെന്നും അദ്ദേഹം പറഞ്ഞു. സ്പീക്കറും പ്രതിപക്ഷ നേതാവും തമ്മിലെ വാക് തർക്കത്തിനൊടുവില്‍ പ്രതിപക്ഷം നടുത്തളത്തില്‍ ഇറങ്ങി. പ്രതിപക്ഷ പ്രതിഷേധത്തിനിടെ സഭ നടപടികള്‍ പൂര്‍ത്തിയാക്കി ഇന്നത്തേക്ക് പിരിഞ്ഞു. ഗവർണ്ണർക്ക് ഇന്ന് കെക രമ പരാതി നല്‍കും. ടിപി കേസ് പ്രതികള്‍ക് ശിക്ഷ ഇളവ് നല്‍കരുത് എന്ന് രമ ആവശ്യപ്പെടും.
ടി പി കേസ് പ്രതികൾക്ക് ശിക്ഷയിളവിന് നീക്കം ഇല്ലെന്ന് അറിയിച്ച് സർക്കാർ; കെ കെ രമയുടെ അടിയന്തര പ്രമേയ നോട്ടീസ് തള്ളി
