കല്‍പ്പറ്റ: വയനാട്ടിലെ മേപ്പാടിയിലുണ്ടായ ഉരുള്‍പൊട്ടലില്‍ മുണ്ടക്കൈയില്‍ മലയ്ക്ക് മുകളില്‍ നിരവധി പേര്‍ കുടുങ്ങിക്കിടക്കുന്നതായി വിവരം. അശ്വിൻ എന്നയാളും നിരവധി പേരുമാണ് കുടുങ്ങിക്കിടക്കുന്നത്. ട്രീവാലി റിസോർട്ടിന് മുകളിലാണ് നില്‍ക്കുന്നതെന്നും ഇവിടെ മുന്നൂറോളം പേരുണ്ടെന്നും അശ്വിൻ പറഞ്ഞു. വീണ്ടും ഉരുള്‍പൊട്ടിയെന്ന് കേട്ടതോടെ രക്ഷാപ്രവർത്തകർ തിരിച്ചുപോയതായും അറിയുന്നു. പ്രായമായവരും സ്ത്രീകളും രോഗികളും ഉള്‍പ്പെടെ നിരവധി പേരാണ് കുടുങ്ങിക്കിടക്കുന്നത്. നിരവധി പേർ ഒലിച്ചുപോയി. രക്ഷിക്കണമെന്നും അധികൃതരെ വിവരം അറിയിക്കണമെന്നും അശ്വിൻ ആവശ്യപ്പെട്ടു.
Advertisements
