മുംബൈ: സൂപ്പർതാരം ഹൃത്വിക് റോഷനോടൊപ്പം ഹോട്ടലിൽ നിന്ന് ഇറങ്ങിവന്ന അജ്ഞാത സുന്ദരിയെക്കുറിച്ചായിരുന്നു കഴിഞ്ഞ ദിവസം ബോളിവുഡിലെ ചർച്ച. മുംബയിലെ പ്രശസ്തമായ ജാപ്പനീസ് ഹോട്ടലിൽ ഡിന്നർ ഡേറ്റിന് എത്തിയ ഹൃത്വിക്കിന്റെ കൈയും പിടിച്ചിറങ്ങിയ ആ സുന്ദരി നടി സബ അസാദ് ആണെന്നാണ് പുറത്തുവരുന്ന റിപ്പോർട്ടുകൾ, ഭക്ഷണം കഴിച്ചതിനു ശേഷം സബയുടെ കൈപിടിച്ച് പുറത്തേക്ക് ഇറങ്ങി കാറിൽ കയറുന്ന ഹൃത്വിക്കിനെയാണ് വിഡിയോയിൽ കാണുന്നത്. വീഡിയോ ആരാധകർക്കിടയിൽ വലിയ ചർച്ചയായിരുന്നു.
അതിനു പിന്നാലെ താരത്തിനൊപ്പമുണ്ടായിരുന്നത് കാമുകിയാണോ എന്ന ചോദ്യങ്ങളുയർന്നു. നടിയും ഗായികയുമായ 32 കാരിയായ സബ ആസാദ്. 2008ൽ ദിൽ കബഡ്ഡി എന്ന ചിത്രത്തിലൂടെയാണ് സബ ബോളിവുഡിലേക്ക് അരങ്ങേറ്റം കുറിക്കുന്നത്. 2021ൽ പുറത്തിറങ്ങിയ ഫീൽസ് ലൈക് ഇഷ്‌ക് ആയിരുന്നു താരം അവസാനം അഭിനയിച്ച സിനിമ. ഇതിനോടകം അഞ്ച് സിനിമകളിലാണ് സബ അഭിനയിച്ചിട്ടുണ്ട്. അറിയപ്പെടുന്ന ഗായികയും ലിറിസിസ്റ്റുമാണ് സബ.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഹൃത്വിക് റോഷനൊപ്പം ആദ്യമായാണ് സബ കാമറയ്ക്കു മുൻപിൽ എത്തുന്നത്. എന്നാൽ ഇരുവരും കുറച്ചുനാളായി അടുപ്പത്തിലാണെന്നണ് താരവുമായി അടുപ്പമുള്ളവർ സ്ഥിരീകരിക്കുന്നത്. ബന്ധങ്ങൾ രഹസ്യമാക്കി വയ്ക്കാനാണ് ഹൃത്വിക് ആഗ്രഹിക്കുന്നതെന്നും ഇരുവരും മികച്ച ജോഡികളാകുമെന്നുമാണ് ഇവരുമായി അടുത്തവൃത്തങ്ങൾ പറഞ്ഞത്.
2000ൽ സൂസന്ന ഖാനെ വിവാഹം ചെയ്ത ഹൃത്വിക് . 2014ൽ ബന്ധം വേർപെടുത്തിയിരുന്നു. തമിഴിൽ സൂപ്പർഹിറ്റായ വിക്രം വേദയുടെ ഹിന്ദി റീമേക്കിൽ അഭിനയിച്ചുകൊണ്ടിരിക്കുകയാണ് താരം ഇപ്പോൾ. സെയ്ഫ് അലി ഖാനാണ് ചിത്രത്തിൽ പ്രധാന വേഷത്തിൽ എത്തുന്നത്.