ചെന്നൈ : സെപ്റ്റംബർ 19ന് ചെന്നൈയിലെ ചെപ്പോക്കില്‍ ആരംഭിക്കുന്ന ബംഗ്ലാദേശിനെതിരായ ആദ്യ ടെസ്റ്റിനുള്ള ടീമിനെ ഇന്ത്യ പ്രഖ്യാപിച്ചു.2022 ഡിസംബറില്‍ അവസാനമായി ഒരു ടെസ്റ്റ് കളിച്ച വിക്കറ്റ് കീപ്പർ-ബാറ്റർ ഋഷഭ് പന്ത് ടീമില്‍ തിരികെയെത്തി. ദുലീപ് ട്രോഫിയിലൂടെ പന്ത് റെഡ്-ബോള്‍ ക്രിക്കറ്റിലേക്ക് മടങ്ങി വന്നിരുന്നു.
2022-ൻ്റെ അവസാനത്തില്‍ നിർഭാഗ്യകരമായ കാർ അപകടത്തിന് മുമ്ബ് പന്തിൻ്റെ അവസാന ടെസ്റ്റ് ബംഗ്ലാദേശിനെതിരായിരുന്നു. കെ.എല്‍. രാഹുലും ടെസ്റ്റ് ടീമില്‍ തിരിച്ചെത്തി, അതേസമയം ദുലീപ് ട്രോഫിയില്‍ ശ്രദ്ധേയമായ പ്രകടനം നടത്തിയ യുവ വിക്കറ്റ് കീപ്പർ ധ്രുവ് ജുറലും തിരഞ്ഞെടുക്കപ്പെട്ടിട്ടുണ്ട്. രോഹിത് ശർമ്മ, വിരാട് കോഹ്‌ലി, ആർ അശ്വിൻ, ജസ്പ്രീത് ബുംറ, രവീന്ദ്ര ജഡേജ തുടങ്ങിയ മുതിർന്ന താരങ്ങള്‍ ടീമില്‍ ഉണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബംഗ്ലാദേശിനെതിരായ ഒന്നാം ടെസ്റ്റിനുള്ള ഇന്ത്യൻ ടീം:
രോഹിത് ശർമ്മ (സി), യശസ്വി ജയ്‌സ്വാള്‍, ശുഭ്മാൻ ഗില്‍, വിരാട് കോലി, കെ എല്‍ രാഹുല്‍, സർഫറാസ് ഖാൻ, ഋഷഭ് പന്ത് (ഡബ്ല്യുകെ), ധ്രുവ് ജൂറല്‍ (ഡബ്ല്യുകെ), ആർ അശ്വിൻ, ആർ ജഡേജ, അക്സർ പട്ടേല്‍, കുല്‍ദീപ് യാദവ്, മൊഹമ്മദ്. സിറാജ്, ആകാശ് ദീപ്, ജസ്പ്രീത് ബുംറ, യഷ് ദയാല്‍
