തലശ്ശേരിയിൽ മയക്കുമരുന്നുമായി മൂന്ന് യുവാക്കൾ അറസ്റ്റിൽ. പെരളശ്ശേരി ചെറുമാവിലായി സ്വദേശി മിഥുൻ മനോജ്, ധർമ്മടം കിഴക്കേ പാലയാടെ ഷിനാസ് കെ കെ, തലശ്ശേരി മാടപ്പീടികയിലെ വിഷ്‌ണു പി.കെ എന്നിവരാണ് പിടിയിലായത്. ഇവരിൽ നിന്ന് 12.51 ഗ്രാം എം ഡി എം എയും 17 ഗ്രാം കഞ്ചാവും കണ്ടെടുത്തു.
Advertisements
ഇന്നലെ രാത്രിയിൽ തലായി ഹാർബർ പരിസരത്ത് വെച്ച് സംശയകരമായ സാഹചര്യത്തിൽ കണ്ട കെഎൽ58 എഇ9425 ഓട്ടോറിക്ഷയിൽ പോലീസ് നടത്തിയ പരിശോധനയിലാണ് ലഹരി പദാർത്ഥങ്ങൾ കണ്ടെത്തിയത്. എൻഡിപിഎസ് ആക്ട് പ്രകാരം കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു. മോഷണം, മയക്ക് മരുന്ന് കേസുകളിലെ പ്രതിയാണ് പിടികൂടിയ മിഥുൻ. ഇയാൾക്കെതിരെ നിരവധി കേസുകൾ തലശ്ശേരിയിൽ ഉണ്ട്. ഇയാൾ ഓട്ടോ ഡ്രൈവർ എന്ന പേരിൽ സ്ഥിരമായി നഗരത്തിൽ ലഹരിവില്പന നടത്തി വരികയാണ്.
