കൊച്ചി : ഏറെ ആരാധകരുള്ള യുവതാരമാണ് മമിത ബൈജു. ‘പ്രേമലു’ എന്ന ചിത്രം താരത്തിന് നല്‍കിയ കരിയർ ബൂസ്റ്റ് വലുതാണ്.ഇപ്പോഴിതാ വിജയ്യുടെ അവസാന ചിത്രമായ ‘ദളപതി 69’ ല്‍ അഭിനയിക്കുന്നതിന്റെ ത്രില്ലിലാണ് താരം. മലയാളം, തമിഴ് എന്നീ ഭാഷകളിലായി കൈനിറയെ ചിത്രങ്ങളാണ് മാമിതയ്ക്കുള്ളത്. ഇപ്പോഴിതാ, സിനിമ ആയിരുന്നില്ല തന്റെ ആഗ്രഹമെന്നും ഒരു ഡോക്ടറാകാൻ ആഗ്രഹിച്ചിരുന്ന ആളാണ് താനെന്നും മമിത വെളിപ്പെടുത്തുന്നു.ഡോക്ടറാവാൻ ആഗ്രഹിച്ച്‌ സിനിമാരംഗം തിരഞ്ഞെടുത്ത ആളാണു താനെന്ന് നടി മമിത ബൈജു. എന്നാല്‍ ആറേഴു സിനിമകള്‍ ചെയ്തു കഴിഞ്ഞപ്പോള്‍ താനാമോഹം ഉപേക്ഷിച്ചെന്നും മമിത തുറന്നുപറഞ്ഞു. അച്ഛൻ ഡോക്ടറായതിനാല്‍ താനും ആ വഴി വരണമെന്നാണ് കുടുംബം ആഗ്രഹിച്ചതെന്നും എന്നാല്‍ അതിനി സാധ്യമല്ലെന്നും മമിത വനിതയ്ക്ക് നല്‍കിയ അഭിമുഖത്തില്‍ പറഞ്ഞു.ഞാനൊരു ഡോക്ടറാവണം എന്നായിരുന്നു പപ്പയുടെയും ആഗ്രഹം. എന്നാല്‍ ആറേഴു സിനിമകള്‍ കഴിഞ്ഞപ്പോള്‍ ഡോക്ടർ മോഹം ഞാനങ്ങ് ഉപേക്ഷിച്ചു. പപ്പയ്ക്ക് ആദ്യം അതില്‍ വിഷമമുണ്ടായിരുന്നു. പിന്നെ പപ്പയും അത് ഉള്‍ക്കൊണ്ടു. കാരണം എന്താണെന്നാല്‍ സിനിമാരംഗം പപ്പയ്ക്ക് ഏറെ ഇഷ്ടപ്പെട്ട ഒന്നായിരുന്നു. സിനിമാ സംവിധായകൻ ആവുക ആയിരുന്നു പപ്പയുടെ സ്വപ്നം. പക്ഷേ, വീട്ടിലെ സാമ്ബത്തികസാഹചര്യങ്ങള്‍ അനുകൂലമായിരുന്നില്ല.പപ്പ നന്നായി പഠിക്കുന്ന ആളായിരുന്നതുകൊണ്ട് പഠിച്ച്‌ ഡോക്ടറായി. മെഡിക്കല്‍ കോളജില്‍ ജോലി ചെയ്തു. അതിനുശേഷം അമൃത ആശുപത്രിയില്‍ റിസർച്ച്‌ ചെയ്തു. അതിനുശേഷമാണ് ഞങ്ങളുടെ നാട്ടില്‍ തന്നെ സ്വന്തം ക്ലിനിക്ക് തുടങ്ങിയത്. സിനിമ ആഗ്രഹിച്ച്‌ ഡോക്ടർ ആയ ആളാണു പപ്പ. ഡോക്ടറാവാൻ ആഗ്രഹിച്ച്‌ സിനിമാരംഗം തിരഞ്ഞെടുത്ത ആളാണു ഞാൻ- മമിത വനിതയ്ക്ക് നല്‍കിയ അഭിമുഖത്തില്‍ പറഞ്ഞു.
ആറ് സിനിമ കഴിഞ്ഞപ്പോഴേയ്ക്കും അച്ഛൻ എൻ്റെ എൻ്റെ വഴിക്ക് വിട്ടു ! സിനിമയല്ലാതെ മകളെപ്പറ്റിയുള്ള പിതാവിൻ്റെ ആഗ്രഹം പങ്ക് വച്ച് മമിത ബൈജു
