പനാജി: ഇന്റർ കാശിക്ക് മൂന്ന് പോയിന്റ് നൽകിയ അച്ചടക്ക നടപടിക്കെതിരെ നാമധാരി എഫ്സസി നൽകിയ അപ്പീലിൽ ഓൾ ഇന്ത്യ ഫുട്ബോൾ ഫെഡറേഷന്റെ (എഐഎഫ്എഫ്) അപ്പീൽ കമ്മിറ്റി അന്തിമ വാദം കേൾക്കൽ പൂർത്തിയാക്കി. സസ്പെൻഡ് ചെയ്യപ്പെട്ട ക്ലെഡ്സണ്‍ കാർവാലോ ഡാ സില്‍വ എന്ന അയോഗ്യനായ കളിക്കാരനെ കളത്തിലിറക്കിയതിന് നാമധാരി കുറ്റക്കാരാണെന്ന് കണ്ടെത്തിയതിനെ തുടർന്നായിരുന്നു ഈ നടപടി.
റിട്ടയേർഡ് ഹൈക്കോടതി ജഡ്ജി രാജേഷ് ടണ്ടൻ അധ്യക്ഷനായുള്ള വാദം കേള്‍ക്കല്‍ നടന്നു. നാമധാരി, ഇന്റർ കാശി, ചർച്ചില്‍ ബ്രദേഴ്സ്, റിയല്‍ കാശ്മീർ പ്രതിനിധികള്‍ ഉള്‍പ്പെടെ എല്ലാ ബന്ധപ്പെട്ടവരില്‍ നിന്നും കമ്മിറ്റി വിവരങ്ങള്‍ ശേഖരിച്ചു. ചർച്ചിലും കാശ്മീരും നേരിട്ട് കക്ഷികളല്ലെങ്കിലും, ലീഗ് സ്റ്റാൻഡിംഗ് അന്തിമമാക്കുന്നതിലെയും സമ്മാനത്തുക വിതരണം ചെയ്യുന്നതിലെയും കാലതാമസത്തെക്കുറിച്ച്‌ അവർ ആശങ്ക പ്രകടിപ്പിച്ചിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മാർച്ച്‌ 27 ന് അപ്പീല്‍ കമ്മിറ്റി അച്ചടക്ക നടപടി സ്റ്റേ ചെയ്തിരുന്നു. ഇപ്പോള്‍, അന്തിമ വിധി അനുസരിച്ച്‌ എഐഎഫ്‌എഫിന്റെ ആഭ്യന്തര നടപടിക്രമങ്ങള്‍ ഇന്റർ കാശിക്ക് അനുകൂലമായി പക്ഷപാതപരമാണെന്ന് ആരോപിച്ച്‌ നാമധാരി, ചർച്ചില്‍, റിയല്‍ കാശ്മീർ, ഡല്‍ഹി എഫ്‌സി എന്നീ നാല് ക്ലബ്ബുകള്‍ ഡല്‍ഹി ഹൈക്കോടതിയെയും സമീപിച്ചിട്ടുണ്ട്. എഐഎഫ്‌എഫിന് കോടതി നോട്ടീസ് അയച്ചിട്ടുണ്ട്. ലീഗ് നിയമങ്ങള്‍ നടപ്പാക്കുന്നതിനായി ഒരു അധിക അപേക്ഷ ഫയല്‍ ചെയ്യാൻ ക്ലബ്ബുകള്‍ക്ക് അനുമതി നല്‍കിയിട്ടുണ്ട്. ഈ കേസ് ഏപ്രില്‍ 23 ന് വീണ്ടും പരിഗണിക്കും. അപ്പീല്‍ കമ്മിറ്റിയുടെ തീരുമാനം 24 മുതല്‍ 48 മണിക്കൂറിനുള്ളില്‍ വരുമെന്ന ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.