ഉപ്പുതറ: പ്രായപൂർത്തിയാകാത്തപെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ 4 യുവാക്കളെ ഉപ്പുതറ പോലീസ് അറസ്റ്റ് ചെയ്തു.
ഒക്ടോബർ മുതൽ ഏപ്രിൽ 22 വരെ പെൺകുട്ടിയെ വിവിധ സ്ഥലങ്ങളിലെത്തിച്ചാണ് പീഡനത്തിനിരയാക്കിയത്. പെൺകുട്ടിയെ പീഡിപ്പിച്ച് ഗർഭിണിയാക്കിയ കേസിൽ ദിവസങ്ങൾ നീണ്ട അന്വേഷണത്തിലാണ് പ്രതികളെ 4 പേരെയും പോലീസ് അറസ്റ്റ് ചെയ്തത്. ഉപ്പുതറ ലോൺട്രി കടുവിനാൽ വീട്ടിൽ അഖിൽ രാധാകൃഷ്ണൻ (23)ഉപ്പുതറ പൊരി കണ്ണി വൃന്ദാ ഭവൻ വീട്ടിൽ അനന്തു രാജൻ (20) കാഞ്ചിയാർ കക്കാട്ടുകട ചീങ്കല്ലേൽ വിഷ്ണു ബിജു (21 ) കരിന്തരുവി കാപ്പി ക്കാട് ലയത്തിൽ കിരൺ വനരാജൻ (27) എന്നിവരെയാണ് ഉപ്പുതറ പോലീസ് അറസ്റ്റ് ചെയ്തത്. മൊബൈൽ ഫോൺ വഴിയാണ് പ്രതികൾ പെൺകുട്ടിയെ പരിചയപ്പെട്ടത്.തുടർന്ന് പെൺകുട്ടിയെ പ്രലോഭനത്തിപ്പെടുത്തി വിവിധ സ്ഥലങ്ങളിലെത്തിക്കുകയും പീഡനത്തിനിരയാക്കുകയുമായിരുന്നു. 6 മാസത്തിനുള്ളിൽ യുവാക്കൾ നാല് പേരും ഒന്നാലധികം തവണ പെൺകുട്ടിയെ പീഡിപ്പിച്ചിരുന്നു. പെൺകുട്ടി ഗർഭിണിയായ വിവരം യുവാക്കളെ അറിയിച്ചുവെങ്കിലും യുവാക്കൾ കയ്യൊഴിഞ്ഞു. ഇതേ തുടർന്ന് പോലീസിൽ നൽകിയ പരാതിയുടെ അടിസ്ഥാനത്തിൽ ഉപ്പുതറ പോലീസ് നടത്തിയ അന്വോഷണത്തിലാണ് പ്രതികൾ പിടിയിലായത്. പോസ്കോ നിയമപ്രകാരമാണ് കേസെടുത്തിരിക്കുന്നത്.അറസ്റ്റ് ചെയ്ത പ്രതികളെ കട്ടപ്പന കോടതിയിൽ ഹാജരാക്കി റിമാന്റെ ചെയ്തു. സി .ഐ. ബാബു.ഇ, സി പി ഒ മാരായ ജോജി ജോസഫ് , രാജേഷ് വി .ആർ എ.ന്നിരുടെ നേതൃത്വത്തിലാണ് അന്വേഷണം നടത്തി പ്രതികളെ അറസ്റ്റ് ചെയ്തത്.
