ചെന്നൈ :
തമിഴ്നാട്ടിൽ ലോക്കപ്പ് മർദനത്തിൽ കൊല്ലപ്പെട്ട രാജാക്കണ്ണിന്റെ ഭാര്യ പാർവതി അമ്മാളിന് വീട് നിർമിക്കാൻ എല്ലാ സഹായവും ഒരുക്കുമെന്ന്‌ സിപിഎം തമിഴ്നാട് സംസ്ഥാന സെക്രട്ടറി കെ ബാലകൃഷ്ണൻ അറിയിച്ചു. ഇക്കാര്യം ചൂണ്ടിക്കാട്ടി തമിഴ്നാട് മുഖ്യമന്ത്രി എം കെ സ്റ്റാലിന് കത്തയക്കും.
Advertisements
രാജാക്കണ്ണിന്റെ കഥ ഇതിവൃത്തമായ ജയ് ഭീം സിനിമയുടെ നിർമാതാക്കളായ നടൻ സൂര്യയുമായും സംവിധായകൻ ജ്ഞാന വേലുമായും ഇക്കാര്യം ചർച്ച ചെയ്ത് പാർവതി അമ്മാളിന് സഹായം നേടിക്കൊടുക്കും. പാർവതി അമ്മാൾ മകളോടൊപ്പമാണ് താമസിക്കുന്നത്. സെങ്കിണി എന്ന കഥാപാത്രം പാർവതി അമ്മാളാണ്. മകളും മകളുടെ ഭർത്താവും മൂന്നു കുഞ്ഞുങ്ങളുമൊത്ത് നിന്നു തിരിയാൻ ഇടമില്ലാത്ത കൊച്ചു കൂരയിലാണ് താമസം. വീട്ടിലേക്കുള്ള വഴി അഴുക്കുചാൽ ഒഴുകുന്ന ഇടമാണ്. അവരുടെ കഷ്ടതകൾ അവസാനിക്കണം എന്ന ലക്ഷ്യത്തോടെയാണ് സിപിഎമ്മിന്റെ തീരുമാനം.