ഓസ്‌ട്രേലിയ: നായകനല്ലെങ്കിലും ഇന്നും ഇന്ത്യന്‍ ക്രിക്കറ്റിന്റെ മുഖമാണ് വിരാട് കോഹ്ലി. ടി20 ലോകകപ്പിലെ ഇന്ത്യയുടെ മുന്‍ നിര ബാറ്റര്‍മാരില്‍ പ്രമുഖനും കോഹ്ലി തന്നെ. ആധുനിക ക്രിക്കറ്റില്‍ കോഹ്ലിയോളം പ്രശസ്തി നേടിയ മറ്റൊരു താരം വെറെയില്ല. എന്നാല്‍ ടി20 ലോകകപ്പിനോട് അനുബന്ധിച്ച് ഐസിസി ഇന്‍സ്റ്റഗ്രാമില്‍ പങ്കുവെച്ച ഇന്ത്യന്‍ ക്രിക്കറ്റ് താരങ്ങളുടെ വീഡിയോയില്‍ കിംഗ് കോഹ്ലി ഇല്ലെന്നതാണ് ശ്രദ്ധേയം.
വീഡിയോയില്‍ ഇന്ത്യന്‍ നായകന്‍ രോഹിത് ശര്‍മ, കെഎല്‍ രാഹുല്‍, സൂര്യകുമാര്‍ യാദവ്, യുസ്‌വേന്ദ്ര ചഹല്‍ എന്നിവരാണ് അണിനിരക്കുന്നത്. സൂപ്പര്‍ താരം കോഹ്ലിയുടെ അഭാവമാണ് ആരാധകരെ ദുഃഖത്തിലാക്കുന്നത്. വെസ്റ്റേണ്‍ ഓസ്‌ട്രേലിയക്കെതിരെ നടന്ന പരിശീലന മത്സരത്തില്‍ കോഹ്ലി കളിച്ചിരുന്നില്ല. എന്നാല്‍ ഓസ്‌ട്രേലിയക്കെതിരെ നടന്ന സന്നാഹ മത്സരത്തില്‍ ബാറ്റ് ചെയ്ത കോഹ്ലിക്ക് 13 പന്തില്‍ 19 റണ്‍സ് നേടി പുറത്തായി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സന്നാഹ മത്സരത്തില്‍ ഒറ്റ കൈകൊണ്ട് തകര്‍പ്പന്‍ ക്യാച്ച് നേടി കോഹ്ലി തന്റെ ഫീല്‍ഡിങ്ങ് മികവ് തെളിയിച്ചിരുന്നു. അവസാന ഓവറിലെ കോഹ്ലിയുടെ ക്യാച്ചിലൂടെ മത്സരം ഇന്ത്യക്ക് അനുകൂലമാകുകയും വിജയിക്കുകയും ചെയ്തിരുന്നു. ഒക്ടോബര്‍ 23ന് നടക്കുന്ന ടി20 ലോകകപ്പിലെ ആദ്യ മത്സരത്തില്‍ പാകിസ്താനാണ് ഇന്ത്യയുടെ എതിരാളികള്‍.
