കൊച്ചി: കഴിഞ്ഞ 21ന് കൊച്ചിയിൽ നിന്ന് കാണാതായ ചേർത്തല സ്വദേശിയുടെ മൃതദേഹം കൊച്ചി കായലിൽ കണ്ടെത്തി. ചേർത്തല പട്ടണക്കാട് ലക്ഷ്മി നിവാസിൽ ആൽബിയുടെ മകൻ എ.സബീഷ് (38) ആണ് മരിച്ചത്. ഇന്നലെ വൈകുന്നേരത്തോടെയാണ് എമ്പാർക്കേഷൻ ജെട്ടിയുടെ ഭാഗത്തായി മൃതദേഹം പൊങ്ങിയത്. കോസ്റ്റൽ പോലീസ് എത്തി മൃതദേഹം റോ റോ ജെട്ടി വഴി കരയിലെത്തിച്ചു. തുടർന്ന് എറണാകുളം ജനറൽ ആശുപത്രിയിൽ എത്തിച്ചു.
പലാരിവട്ടത്ത് സ്വകാര്യ ടൂർ ഓപ്പറേഷൻ സ്ഥാപനത്തിൽ ജോലി ചെയ്തുവരുന്ന സബീഷിനെ കഴിഞ്ഞ 21 നാണ് കാണാനില്ലെന്ന് പറഞ്ഞ് എറണാകുളം സൗത്ത് പോലീസിൽ പരാതി നൽകിയത്. തൃപ്പൂണിത്തുറയിലെ വീട്ടിൽ നിന്ന് ജോലിക്കായി ഇറങ്ങിയ സബീഷ് സമയം കഴിഞ്ഞിട്ടും സ്ഥാപനത്തിൽ വന്നില്ലെന്നും വൈകിട്ട് നേരം വൈകിയും വീട്ടിലെത്തിയില്ലെന്നും ചൂണ്ടിക്കാട്ടി സ്ഥാപനത്തിന്റെ നടത്തിപ്പുകാരിയാണ് പരാതി നൽകിയത്. പോലീസ് അന്വേഷണം നടത്തിയെങ്കിലും കണ്ടെത്താൻ കഴിഞ്ഞില്ല. മൃതദേഹം എറണാകുളം ജനറൽ ആശുപത്രി മോർച്ചറിയിൽ.
കാണാതായ യുവാവിന്റെ മൃതദേഹം കൊച്ചിക്കായലിൽ
Advertisements
