“ജസ്റ്റ് ചിൽ മഗ…” കിറ‍ുക്കനും കൂട്ടുകാര‍ും വീണ്ടുമെത്തി ഗാനത്തിൻറെ ടീസറുമായി; ആടിത്തകർത്ത് നിവിൻ പോളി

റോഷൻ ആൻഡ്രൂസിൻറെ സംവിധാനത്തിൽ നിവിൻ പോളി ആദ്യമായി അഭിനയിച്ച ചിത്രമായിരുന്നു 2018 ൽ പുറത്തിറങ്ങിയ കായംകുളം കൊച്ചുണ്ണി. നാല് വർഷത്തിനു ശേഷം ഇരുവരും വീണ്ടും ഒരുമിക്കുന്ന ചിത്രം അതിൽ നിന്ന് തീർത്തും വ്യത്യസ്തമാണ്. സാറ്റർഡേ നൈറ്റ് എന്നു പേരിട്ടിരിക്കുന്ന ചിത്രം കോമഡി എൻറർടെയ്നർ വിഭാഗത്തിൽ പെടുന്ന ഒന്നാണ്. പുത്തൻ തലമുറ യുവാക്കളുടെ കഥ പറയുന്ന ചിത്രം കളർഫുൾ ആയാണ് റോഷൻ ആൻഡ്രൂസ് ഒരുക്കിയിരിക്കുന്നത്. ഇപ്പോഴിതാ ചിത്രത്തിലെ ഒരു ഗാനത്തിൻറെ ടീസർ അണിയറക്കാർ പുറത്തുവിട്ടിരിക്കുകയാണ്.

ചിൽ മഗ എന്ന് തുടങ്ങുന്ന ഗാനത്തിന് വരികൾ എഴുതിയിരിക്കുന്നത് സുഹൈൽ കോയയാണ്. ജേക്സ് ബിജോയിയുടേതാണ് സംഗീതം. മർത്യൻ ആണ് ഗാനം ആലപിച്ചിരിക്കുന്നത്. നിവിൻ പോളിക്കൊപ്പം സിജു വിൽസൺ, അജു വർഗീസ്, സൈജു കുറുപ്പ്, ഗ്രേസ് ആൻറണി, സാനിയ ഇയ്യപ്പൻ, മാളവിക ശ്രീനാഥ്, പ്രതാപ് പോത്തൻ, ശാരി, വിജയ് മേനോൻ, അശ്വിൻ മാത്യു തുടങ്ങിയവർ മറ്റു കഥാപാത്രങ്ങളെ അവതരിപ്പിക്കുന്നു. നവീൻ ഭാസ്കറിൻറേതാണ് രചന. ചിത്രത്തിന്റെ നിർമ്മാണം അജിത്ത് വിനായക ഫിലിംസിന്റെ ബാനറിൽ വിനായക അജിത്ത് ആണ്. ദുബൈ, ബംഗളൂരു, മൈസൂരു എന്നിവിടങ്ങളിലായിരുന്നു ചിത്രീകരണം.

അസ്‌ലം കെ പുരയിൽ ആണ് ഛായാഗ്രഹണം. പ്രൊഡക്ഷൻ ഡിസൈൻ അനീസ് നാടോടി, വസ്ത്രാലങ്കാരം സുജിത്ത് സുധാകരൻ, മേക്കപ്പ് സജി കൊരട്ടി, കലാസംവിധാനം ആൽവിൻ അഗസ്റ്റിൻ, പ്രൊഡക്ഷൻ കൺട്രോളർ നോബിൾ ജേക്കബ്, കളറിസ്റ്റ് ആശിർവാദ് ഹദ്‌കർ, ഡി ഐ പ്രൈം ഫോക്കസ് മുംബൈ, സൗണ്ട് ഡിസൈൻ രംഗനാഥ് രവി, ഓഡിയോഗ്രാഫി രാജകൃഷ്ണൻ എം ആർ, ആക്ഷൻ അലൻ അമിൻ, മാഫിയ ശശി, കൊറിയോഗ്രഫി വിഷ്ണു ദേവ, സ്റ്റിൽസ് സലീഷ് പെരിങ്ങോട്ടുക്കര, പൊമോ സ്റ്റിൽസ്‌ ഷഹീൻ താഹ, ഡിസൈൻ ആനന്ദ് രാജേന്ദ്രൻ, മാർക്കറ്റിംഗ് കൺസൾട്ടന്റ്സ്‌‌ കാറ്റലിസ്റ്റ്‌, പിആർഒ ശബരി,‌ ഡിജിറ്റൽ മാർക്കറ്റിംഗ്‌ ഹെയിൻസ്‌. നവംബർ 4 ന് ചിത്രം തിയറ്ററുകളിൽ എത്തും.