ജിയോ ബേബി രചനയും സംവിധാനവും നിർവ്വഹിച്ച ശ്രീധന്യ കാറ്ററിംഗ് സർവ്വീസ് എന്ന ചിത്രം ഒടിടിയിൽ പ്രദർശനം ആരംഭിച്ചു. ആമസോൺ പ്രൈം വീഡിയോയിലൂടെയാണ് ചിത്രം സ്ട്രീമിംഗ് ആരംഭിച്ചത്. വൻ പ്രേക്ഷകശ്രദ്ധ നേടിയ ദ് ഗ്രേറ്റ് ഇന്ത്യന് കിച്ചണും ആന്തോളജി ചിത്രമായ ഫ്രീഡം ഫൈറ്റിനും ശേഷം ജിയോ ബേബി ഒരുക്കിയ ചിത്രമായിരുന്നു ശ്രീധന്യ കാറ്ററിംഗ് സർവ്വീസ്. രചനയ്ക്കും സംവിധാനത്തിനുമൊപ്പം ജിയോ ബേബി ചിത്രത്തിൽ ഒരു കഥാപാത്രത്തെ അവതരിപ്പിക്കുന്നുമുണ്ട്.
ദ് ഗ്രേറ്റ് ഇന്ത്യൻ കിച്ചൺ നിർമ്മാതാക്കളായ മാൻകൈൻഡ് സിനിമാസ്, സിമ്മെട്രി സിനിമാസ് എന്നീ ബാനറുകളിൽ ജോമോൻ ജേക്കബ്, ഡിജോ അഗസ്റ്റിൻ, സജിൻ എസ് രാജ്, വിഷ്‍ണു രാജൻ എന്നിവരാണ് നിർമ്മാണം. ഛായാഗ്രഹണം സാലു കെ തോമസ്, എഡിറ്റിംഗ് ഫ്രാൻസിസ് ലൂയിസ്, സംഗീതം ബേസിൽ സി ജെ, മാത്യൂസ് പുളിക്കൻ, കലാസംവിധാനം നോബിൻ കുര്യൻ, വസ്ത്രാലങ്കാരം സ്വാതി വിജയൻ, ശബ്ദരൂപകൽപ്പന ടോണി ബാബു, എംപിഎസ്ഇ, വരികൾ സുഹൈൽ കോയ, അലീന, കളറിസ്റ്റ് ലിജു പ്രഭാകർ, പ്രൊഡക്ഷൻ കൺട്രോളർ ഷിനോയ് ജി തലനാട്, എക്സിക്യൂട്ടീവ് പ്രൊഡ്യൂസർ ആരോമൽ രാജൻ, ലൈൻ പ്രൊഡ്യൂസർ നിദിൻ രാജു, കൊ ഡയറക്ടർ അഖിൽ ആനന്ദൻ, ചീഫ് അസോസിയേറ്റ് ഡയറക്ടർ നിധിൻ പണിക്കർ, മാർട്ടിൻ എൻ ജോസഫ്, അസോസിയേറ്റ് ഡയറക്ടർ ദീപക് ശിവൻ, സ്റ്റിൽസ് അജയ് അളക്സ്, പരസ്യകല നിയാണ്ടർ താൾ, വിനയ് വിൻസൻറ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേസമയം ജിയോ ബേബിയുടെ പുതിയ ചിത്രത്തിൽ മമ്മൂട്ടിയാണ് നായകൻ. കാതൽ എന്നു പേരിട്ടിരിക്കുന്ന ചിത്രത്തിൽ തമിഴ് താരം ജ്യോതികയാണ് നായിക. സിനിമയുടെ ചിത്രീകരണം പുരോഗമിക്കുകയാണ്. മമ്മൂട്ടി കമ്പനിയുടെ ബാനറിൽ മമ്മൂട്ടിയാണ് ഈ ചിത്രത്തിൻറെ നിർമ്മാണം.
