ഖത്തര്‍: ലോകകപ്പ് ക്വാര്‍ട്ടര്‍ ഫൈനലിന്റെ ആവേശം തെല്ലുമില്ലാതെ ബ്രസീല്‍ ക്രൊയേഷ്യ മത്സരം. മികച്ച അവസരങ്ങളൊന്നും തുറന്നെടുക്കാതെ ഇരുടീമുകളും സേഫ് സോണില്‍ കളി മെനഞ്ഞതോടെ വീറും വാശിയുമില്ലാത്ത ആദ്യ പകുതിയായി ക്രൊയേഷ്യ ബ്രസീല്‍ മത്സരം മാറി. മത്സരത്തിന്റെ ഒരു ഘട്ടത്തില്‍ പോലും മികച്ച നീക്കങ്ങള്‍ ഇരുടീമുകളും മെനഞ്ഞതേയില്ല. ബ്രസീലിന്റെ സുന്ദരമായ കളിയെ പലപ്പോഴും ബ്രേക്ക് ചെയ്ത് പാസുകളുടെ ചങ്ങലക്കണ്ണികള്‍ മുറിയ്ക്കുന്നതില്‍ ക്രൊയേഷ്യന്‍ ഡിഫന്റര്‍മാര്‍ വിജയിച്ചതാണ് കളിയില്‍ നിര്‍ണ്ണായകമായത്.
ക്രൊയേഷ്യന്‍ ബോക്‌സില്‍ ലഭിച്ച പല മികച്ച അവസരങ്ങളും ഗോളാക്കി മാറ്റാനാവാതെ ബ്രസീല്‍ മുന്നേറ്റക്കാര്‍ നിരാശരായതും ആദ്യ പകുതിയില്‍ കണ്ടു. വീണു കിട്ടിയ അര്‍ദ്ധാവസരങ്ങള്‍ മാത്രമായിരുന്നു ഇതെല്ലാം. ആദ്യ പകുതിയില്‍ ബ്രസീലിന് ഒന്നും ക്രൊയേഷ്യയ്ക്ക് രണ്ടും കോര്‍ണര്‍വീതമാണ് ലഭിച്ചതെന്നറിയുപ്പോള്‍ തന്നെ മൂര്‍ച്ചയില്ലാത്ത ആക്രമണത്തെ വിലയിരുത്താനാവും.
