കോട്ടയം: അന്യ സംസ്ഥാനങ്ങളിൽ നിന്നുള്ള സെക്യൂരിറ്റി ജീവനക്കാരെ നിയോഗിക്കുന്ന ഏജൻസികൾക്കു നിർദേശവുമായി സംസ്ഥാന സർക്കാർ. ജോലിക്കായി നിയോഗിക്കുന്ന സ്വകാര്യ സുരക്ഷാ ഏജൻസികൾ അത്തരം ജീവനക്കാരെ സംബന്ധിച്ച വിവരം അടുത്തുള്ള പൊലീസ് സ്റ്റേഷനിൽ അറിയിക്കേണ്ടതാണെന്ന നിർദേശമാണ് നൽകിയിരിക്കുന്നത്.
Advertisements
ജില്ലയിൽ പ്രവർത്തിക്കുന്ന എല്ലാ സ്വകാര്യ സുരക്ഷാ ഏജൻസികൾക്കുമായാണ് ജില്ലാ പൊലീസ് നിർദേശം നൽകിയിരിക്കുന്നത്. തങ്ങളുടെ സ്ഥാപനത്തിന് കീഴിൽ ജോലി ചെയ്യുന്ന അന്യ സംസ്ഥാനങ്ങളിൽ നിന്നുള്ള സെക്യൂരിറ്റി ജീവനക്കാരുടെ വിവരം, നിയമാനുസൃത ആയുധ
ലൈസൻസ് ഉള്ളവരാണോ എന്നതടക്കമുള്ള കാര്യങ്ങളാണ് പൊലീസിൽ അറിയിക്കേണ്ടത്. ഇത് അടക്കം ഫോട്ടോ ഉൾപ്പെടെയുള്ള തിരിച്ചറിയൽ രേഖ സഹിതം അടുത്തുള്ള പൊലീസ് സ്റ്റേഷനിൽ റിപ്പോർട്ട് ചെയ്യേണ്ടതാണ്.
