തിരുവനന്തപുരം: കാട്ടാക്കട അഭിരാമി ബാറിൽ മദ്യപന്മാർ തമ്മിൽ വാക്കേറ്റവും കയ്യാങ്കളിയും. ഇന്നലെ രാത്രി 12 മണിയോട് അടുത്ത് ആണ് സംഭവം. രണ്ടു ഗ്യാങ്ങുകൾ ആയി ബാറിൽ ഉണ്ടായിരുന്നവർ തമ്മിൽ ബാറിനുള്ളിൽ വച്ച് ഉണ്ടായ വാക്ക് തർക്കം ബാറിൻ്റെ കോമ്പൗണ്ടിൽ ഇറങ്ങിയപ്പോൾ കയ്യാംകളിയായി. സംഭവത്തിൽ മൂന്ന്പേർക്ക് പരിക്കുണ്ട്. ഇതിൽ ഒരാൾ ഒരു ഗ്രൂപ്പിലും പെട്ട ആളല്ല.
രണ്ടു ഗ്യാങ്ങിൽ നിന്നുമായി 3 പേർ സംഭവ സ്ഥലത്ത് നിന്നും പൊലീസ് കസ്റ്റഡിയിൽ ആയി. പരിക്കേറ്റവർ മെഡിക്കൽ കോളേജ് ആശുപത്രിയിൽ ചികിത്സയിൽ ആണ്. ഗ്യാങ്ങിൽ പെട്ട ഒരാൾ കത്തി എടുത്ത് മറ്റുള്ളവരെ കുത്തി പരിക്കേൽപ്പിക്കുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കുറ്റിച്ചൽ വൈശാഖ്, ആന്തിയൂർകൊണം ശരത്, കണ്ടല ഇറയംകോട് സ്വദേശി പ്രകാശ്, എന്നിവരാണ് പരിക്കേറ്റ് ആശുപത്രിയിൽ ചികിത്സയിൽ ഉള്ളത്. ഇതിൽ പ്രകാശ് ബാറിൽ നിന്ന് പുറത്തേക്ക് പോകുമ്പോൾ ആള് മാറിയാണ് കുത്തേറ്റത്. കുറ്റിച്ചൽ വൈശാഖ് എന്നയാളുടെ പേരിൽ നിരവധി കേസുകൾ നിലവിലുണ്ട്.
വെമ്പായം അഭിലാഷ്, നെല്ലിക്കാട് കിരൺ,നെല്ലിക്കാട് രഞ്ജിത്ത് എന്നിവർ ആണ് സംഭവവുമായി ബന്ധപെട്ട് പോലീസ് കസ്റ്റഡിയിൽ ഉള്ളത്.
