ടിബി റോഡില്‍ നിന്നും ജാഗ്രത ന്യൂസ് പ്രത്യേക ലേഖകന്‍
കോട്ടയം: മന്ത്രി റോഷി അഗസ്റ്റിന് എസ്‌കോര്‍ട്ട് പോയ പൊലീസ് വാഹനത്തിന്റെ ഹോണടി കേട്ട് വെട്ടിച്ച് മാറ്റിയ ഓട്ടോറിക്ഷ തലകീഴായി മറിഞ്ഞ് ഡ്രൈവര്‍ക്ക് പരിക്ക്. കോട്ടയം കാരാപ്പുഴ ഇല്ലത്തുചിറയില്‍ അശോകന്‍ (34)നാണ് പരിക്കേറ്റത്. ഇയാള്‍ മദ്യലഹരിലായിരുന്നുവെന്ന് വൈദ്യപരിശോധനയില്‍ വ്യക്തമായെന്ന് പൊലീസ് അറിയിച്ചു. പരിക്കേറ്റ ഇയാളെ ജില്ലാ ജനറല്‍ ആശുപത്രിയില്‍ പ്രവേശിപ്പിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തിങ്കളാഴ്ച വൈകിട്ട് ഏഴ് മണിയോടെ ടിബി റോഡില്‍ കല്യാണ്‍ സില്‍ക്‌സിന് സമീപമായിരുന്നു അപകടം. കെഎസ്ആര്‍ടിസി ഭാഗത്ത് നിന്നും ടിബി റോഡ് ഭാഗത്തേക്ക് വരികയായിരുന്നു അശോകന്‍ ഓച്ചിരുന്ന ഓട്ടോറിക്ഷ. ഈ സമയം ഇതേഭാഗത്ത് നിന്ന് വരികയായിരുന്നു മന്ത്രി റോഷി അഗസ്റ്റിന്റ വാഹനം. ഈ വാഹനത്തിന് എസ്‌കോര്‍ട്ട് വന്ന കോട്ടയം വെസ്റ്റ് പൊലീസ് സ്റ്റേഷനിലെ ജീപ്പിന്റെ ഹോണടി കേട്ട് അശോകന്‍ ഓട്ടോ വെട്ടിച്ച് മാറ്റി. ഇതേത്തുടര്‍ന്ന് റോഡരികിലെ സ്ലാബില്‍ കയറി നിയന്ത്രണം നഷ്ടമായ ഓട്ടറിക്ഷ റോഡിലേക്ക് തന്നെ മറിയുകയായിരുന്നു. പൊലീസ് വാഹനത്തിലുണ്ടായിരുന്ന ഉദ്യേഗസ്ഥര്‍ തന്നെ പുറത്തിറങ്ങി അശോകനെ രക്ഷിച്ചു. തുടര്‍ന്ന്, അശോകനെ ജില്ലാ ജനറല്‍ ആശുപത്രിയില്‍ പ്രവേശിപ്പിച്ചു. ഇായളുടെ പരിക്ക് ഗുരുതരമല്ല. അപകടത്തെ തുടര്‍ന്ന് 10 മിനിറ്റോളം ടിബി റോഡില്‍ ഗതാഗതം തടസ്സപ്പെട്ടു.
