ശ്രീലങ്കയിൽ ദ്വീപ് സ്വന്തമാക്കി ഇന്ത്യൻ നടി; ദ്വീപ് സ്വന്തമാക്കിയത് ലക്ഷണങ്ങൾ മുടക്കി

ലണ്ടൻ: ആഡംബരത്തിന്റെ പര്യായമാണ് ഇന്ത്യയിലെ ഒട്ടുമിക്ക സെലിബ്രിറ്റികളുടേയും ജീവിതം. ഇക്കാര്യത്തിൽ മറ്റ് പല മേഖലയിലുള്ള സെലിബ്രിറ്റികളേയും കടത്തിവെട്ടുന്ന ജീവിതശൈലിയാണ് ബോളിബുഡ് താരങ്ങളുടേത്. കോടികൾ വാരിയെറിഞ്ഞ് ഇഷ്ടപ്പെട്ട വാഹനങ്ങളോ വസ്ത്രങ്ങളോ മറ്റ് ഉത്പന്നങ്ങളോ വാങ്ങുന്നത് അവരെ സംബന്ധിച്ച് ഒട്ടും പുതുമയുള്ള ഒരു കാര്യമേയല്ല. പലപ്പോഴും സാധാരണക്കാരന് സ്വ്പനം മാത്രമാണ് ഒരു സെലിബ്രിറ്റിയെ സംബന്ധിച്ച് വളരെ സാധാരണം എന്ന് തോന്നുന്ന കാര്യങ്ങൾ. അത്തരത്തിലൊരു സംഭവമാണ് ഇപ്പോൾ പുറത്ത് വന്നിരിക്കുന്നത്.

ടൂറിസത്തിനും പ്രകൃതി ഭംഗിക്കും പേരുകേട്ട സ്ഥലമാണ് മരതക ദ്വീപ് എന്ന് അറിയപ്പെടുന്ന ശ്രീലങ്കയെന്ന കൊച്ചുരാജ്യം. ലക്ഷക്കണക്കിന് ഇന്ത്യക്കാരാണ് ശ്രീലങ്കയിൽ സന്ദർശനത്തിനും അവധി ആഘോഷങ്ങൾക്കുമായി വർഷാവർഷങ്ങളിൽ പോകാറുള്ളത്. അതേ ശ്രീലങ്കയിൽ കോടികൾ മുടക്കി ഒരു ദ്വീപ് തന്നെ സ്വന്തമാക്കിയിരിക്കുകയാണ് ഒരു ബോളിവുഡ് സുന്ദരി. ശ്രീലങ്കൻ വംശജയായ ബോളിവുഡ് നടി ജാക്വലിൻ ഫെർണാണ്ടസ് ആണ് സ്വന്തമായി ഒരു ദ്വീപ് വാങ്ങിയിരിക്കുന്നത്.

2012ലാണ് ജാക്വലിൻ ഫെർണാണ്ടസ് ശ്രീലങ്കയിലെ 3.5 കോടി രൂപ വിലയുള്ള ഒരു സ്വകാര്യ ദ്വീപ് സ്വന്തമാക്കിയത്. നാല് ഏക്കറുള്ള ഈ ദ്വീപ് ശ്രീലങ്കയുടെ തെക്കൻ തീരത്താണ് സ്ഥിതി ചെയ്യുന്നതെന്ന് റിപ്പോർട്ടുകൾ പറയുന്നു. ഇതിഹാസ ക്രിക്കറ്റ് താരം കുമാർ സംഗക്കാരയുടെ പ്രൈവറ്റ് ദ്വീപിന് സമീപത്തായാണ് നടിയുടെ ദ്വീപും സ്ഥിതി ചെയ്യുന്നതെന്ന് റിപ്പോർട്ടുകളിൽ പറയുന്നു. ഇവിടെ ഒരു വില്ല സ്വന്തമായി നിർമിക്കാനാണ് നടിയുടെ പദ്ധതിയെന്നും സൂചനയുണ്ട്.

30ൽ അധികം ബൊളിവുഡ് ചിത്രങ്ങളിൽ വേഷമിട്ട താരമാണ് ജാക്വലിൻ ഫെർണാണ്ടസ്. ഹൗസ്ഫുൾ, മർഡർ 2, കിക്ക്, റേസ് 2 തുടങ്ങിയവയാണ് താരം അഭിനയിച്ച പ്രശസ്ത ചിത്രങ്ങൾ. സർക്കസ് ആണ് നടിയുടേതായി ഏറ്റവും ഒടുവിൽ പുറത്തിറങ്ങിയ ചിത്രം.