മൂവി ഡെസ്ക്ക് : തെന്നിന്ത്യൻ സിനിമാ ലോകത്തെ അറിയപ്പെടുന്ന അഭിനേത്രികളില്‍ ഒരാളാണ് സോന ഹെയ്ഡൻ.വിവിധ ഭാഷകളിലായി നിരവധി സിനിമകളില്‍ അവര്‍ അഭിനയിച്ചു. ഗ്ലാമറസ് നടിയായി അറിയപ്പെടുന്ന സോന ഒരു സംരംഭക കൂടിയാണ്, ഇപ്പോഴിതാ വെബ് സീരീസ് സംവിധാനം ചെയ്തു കൊണ്ട് സംവിധായികയായി അരങ്ങേറ്റം കുറിക്കുകയാണ് നടി.
‘സ്‌മോക്ക്’ എന്നാണ് സീരിസിൻ്റെ പേര്. രചനയും സോന തന്നെ നിര്‍വഹിച്ചിരിക്കുന്നു. സ്‌മോക്ക്- എ പോയം ഓഫ് പെയിൻ എന്ന ടാഗ് ലൈനോടെ അണിയിച്ചൊരുക്കുന്ന വെബ് സീരീസിൻ്റെ ഇതിവൃത്തം സ്വന്തം ജീവിതത്തില്‍ ബാല്യ കൗമാര കാലം മുതല്‍ വര്‍ത്തമാന കാലം വരെ അനുഭവിച്ച സുഖ ദുഃഖങ്ങളില്‍ ഇഴ പിന്നിയതാണ്. കഴിഞ്ഞ ദിവസം ചെന്നൈയില്‍ ഈ വെബ് സീരീസിന്റെ ഷൂട്ടിംഗ് ആരംഭിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഷോര്‍ട്ട്ഫ്ളിക്സ് എന്ന സ്ഥാപനവുമായി കൈ കോര്‍ത്തു കൊണ്ട് സ്വന്തംനിര്‍മ്മാണ കമ്പനിയായ യൂനിക് പ്രൊഡക്ഷൻ്റെ ബാനറില്‍ സോന ഹെയ്ഡൻ തന്നെയാണ് ‘സ്‌മോക്ക്’ നിര്‍മ്മിക്കുന്നത്. കപില്‍ റോയ് ഛായഗ്രഹണം നിര്‍വഹിക്കുന്നു. സോന തന്നെയാണ് നായിക, മുകേഷ് ഖന്ന നായകനായി അഭിനയിക്കുന്നു. മറ്റു അഭിനേതാക്കള്‍ സങ്കേതിക വിദഗ്ധൻ എന്നിവരെ കുറിച്ച്‌ വഴിയേ അറിയിക്കുമെന്ന് സോന വ്യക്തമാക്കി.
