മൊഹാലി : അഫ്ഗാനിസ്ഥാനെതിരായ ടി20 പരമ്ബരയിലെ രണ്ടാം മത്സരത്തില്‍ ഇന്ത്യ ഇന്ന് ഇൻഡോറില്‍ ഇറങ്ങും. ഇന്ന് രാത്രി 7 മണിക്കാണ് മത്സരം.ആദ്യ മത്സരം അനായാസം വിജയിച്ച ഇന്ത്യ ഇന്നു കൂടെ വിജയിച്ച്‌ പരമ്ബര സ്വന്തമാക്കാൻ ആകും ശ്രമിക്കുക. ആദ്യ മത്സരം പോലെ ഇൻഡോറിലും ബാറ്റിംഗിന് അനുകൂലമായ പിച്ച്‌ ആകും ലഭിക്കുക. ഇന്ന് വിരാട് കോഹ്ലി ആദ്യ ഇലവനില്‍ എത്തും. ആദ്യ മത്സരത്തില്‍ കോഹ്ലി കളിച്ചിരുന്നില്ല. കോഹ്ലി ആദ്യ ഇലവനില്‍ എത്തുന്നതോടെ കോഹ്ലിയും രോഹിത് ശര്‍മ്മയും ആകും ഇന്ത്യക്ക് ആയി ഓപ്പണ്‍ ചെയ്യുക. തിലക് വര്‍മ്മയോ ശുഭ്മാൻ ഗില്ലോ ടീമില്‍ നിന്ന് പുറത്താകും. സഞ്ജു സാംസണ്‍ ഇന്നും പുറത്ത് ഇരിക്കാൻ ആണ് സാധ്യത. ഇന്ത്യ ജിതേഷ് ശര്‍മ്മയെ തന്നെ വിക്കറ്റ് കീപ്പറായി നിലനിര്‍ത്തുമെന്നാണ് സൂചന.
Advertisements
