വ്യായാമം ചെയ്യുന്നത് ആരോഗ്യത്തിന് പല തരത്തിലുള്ള ഗുണങ്ങളാണ് നൽകുന്നത്. മൊത്തത്തിലുള്ള ആരോഗ്യം നിലനിർത്താൻ വ്യായാമം വളരെ പ്രധാനമാണ്. പലർക്കും വ്യായാമം ശേഷമുള്ള ഒരു സാധാരണ ശീലമാണ് വെള്ളം കുടിക്കുക എന്നത്. വ്യായാമം ചെയ്ത് ക്ഷീണിച്ച ഉടൻ പലരും വെള്ളം കുടിക്കും. ശരീരത്തിൽ ജലാംശം നിലനിർത്തേണ്ടത് നിർബന്ധമാണെങ്കിലും, വ്യായാമം കഴിഞ്ഞയുടനെ വെള്ളം കുടിക്കുന്നത് അത്ര നല്ല ശീലമല്ല. 

വ്യായാമത്തിന് ശേഷം ഉടൻ വെള്ളം കുടിക്കുന്നത് നിങ്ങളുടെ പഞ്ചസാരയുടെ അളവ് തടസ്സപ്പെടുത്തുന്നു. കൂടാതെ പോഷകങ്ങളുടെ ആഗിരണത്തെ തടസപ്പെടുത്തുകയും ദഹനത്തിന് അസ്വസ്ഥത ഉണ്ടാക്കുകയും ചെയ്യും. ശരീരത്തിൻ്റെ വീണ്ടെടുക്കലിനെയും മൊത്തത്തിലുള്ള നിലയെയും ഇത് ബാധിക്കും. വ്യായാമം കഴിഞ്ഞ ഉടനെ അമിതമായി വെള്ളം കുടിക്കുന്നത് പല തരത്തിലുള്ള പ്രശ്നങ്ങളുണ്ടാക്കും.

ദഹന പ്രശ്നങ്ങൾ

ആഹാരം കഴിക്കാതെയാണ് പലരും വ്യായാമം ചെയ്യുന്നത്. വ്യായാമം കഴിഞ്ഞയുടനെ വലിയ അളവിൽ വെള്ളം കുടിക്കുന്നത് ദഹനസംബന്ധമായ അസ്വസ്ഥതകൾക്ക് കാരണമാകും. ശരീരം തണുപ്പിക്കാനും പേശികളെ നേരെയാക്കാനുമാണ് ഈ വെള്ളം ശ്രമിക്കുന്നത്. അതിന് കൂടുതൽ ശ്രദ്ധ നൽകുന്നു. പെട്ടെന്ന് ഇങ്ങനെ വെള്ളം കുടിക്കുന്നത് പലപ്പോഴും വയറിന് അസ്വസ്ഥതയുണ്ടാക്കാനുള്ള സാധ്യത വളരെ കൂടുതലാണ്.

അമിതമായി ഹൈഡ്രേറ്റ് ചെയ്യുന്നു

വ്യായാമം കഴിഞ്ഞ ക്ഷീണം കാരണം പലരും ധാരാളം വെള്ളം കുടിക്കാറുണ്ട്. ഇത് പലപ്പോഴും ആരോഗ്യത്തെ മോശമായി ബാധിക്കാനുള്ള സാധ്യത കൂടുതലാണ്. കാരണം വെള്ളം അധികമാകുന്നത് തലച്ചോറിൻ്റെ പ്രവർത്തനത്തെ മോശമായി ബാധിക്കും. ഹൈപ്പോനാട്രീമിയയിലോ ഉണ്ടാകാം. ഇത്, സോഡിയത്തിൻ്റെ അളവ് അപകടകരമാംവിധം കുറയുന്നു, ഇത് സാധാരണ സെൽ പ്രവർത്തനത്തെ ബാധിക്കുന്നു.

രക്തത്തിലെ പഞ്ചസാരയെ ബാധിക്കും

പെട്ടെന്ന് വെള്ളം കുടിക്കുന്നത് അത്ര നല്ലതല്ല. വ്യായാമത്തിന് ശേഷം വെള്ളം കുടിക്കുന്നത് രക്തത്തിലെ പഞ്ചസാരയുടെ അളവിനെ ബാധിച്ചേക്കാം. ഒരു വ്യായാമത്തിന് ശേഷം, പേശികൾ ഇൻസുലിനോട് കൂടുതൽ സെൻസിറ്റീവായിരിക്കും. ശരീരം ഗ്ലൈക്കോജൻ്റെ അളവ് പുനഃസ്ഥാപിക്കേണ്ട അവസ്ഥയിലാണ്. കഠിനമായ വ്യായാമത്തിന് ശേഷം അധിക വെള്ളം കുടിക്കുന്നത് പ്രക്രിയയെ തടസ്സപ്പെടുത്തിയേക്കാം, ഇത് രക്തത്തിലെ പഞ്ചസാരയുടെ അളവിൽ ഏറ്റക്കുറച്ചിലുകൾക്ക് ഇടയാക്കും.

ഇലക്ട്രോലൈറ്റുകളുടെ അസന്തുലിതാവസ്ഥ

വ്യായാമ സമയത്ത് ശരീരം വളരെയധികം വിയർക്കുന്നത് സ്വാഭാവികമാണ്. ശരീരത്തിലെ ഇലക്ട്രോലൈറ്റുകൾ ഈ ഘട്ടത്തിൽ വളരെ കുറഞ്ഞ് പോകാൻ സാധ്യതയുണ്ട്. വ്യായാമ ശേഷം വെള്ളം കുടിക്കുന്നത് നല്ലതാണെങ്കിലും വ്യായാമം കഴിഞ്ഞ ഉടൻ തന്നെ ധാരാളം വെള്ളം കുടിക്കുന്നത് ഒരു പക്ഷെ ശാരീരിക ബുദ്ധിമുട്ടുകളുണ്ടാക്കാം. ഇത് ധാതുക്കളെ അലിയിക്കാനുള്ള സാധ്യത വളരെ കൂടുതലാണ്. ഇത് പിന്നീട് ക്ഷീണത്തിനും പേശികളുടെ വേദനയ്ക്കുമൊക്കെ കാരണമാകും.