അമ്പലപ്പുഴ: കെഎസ്‌ഇബി ഓഫീസിന് സമീപം തീപിടുത്തം. കെഎസ്‌ഇബിയുടെ കേബിള്‍ കത്തി നശിച്ചു. ഫയർ ഫോഴ്സെത്തിയാണ് തീയണച്ചത്. വെള്ളിയാഴ്ച രാവിലെ 10.45 ഓടെയായിരുന്നു തീപിടുത്തമുണ്ടായത്. കെഎസ്‌ഇബിയുടെ തെക്കുഭാഗത്തെ മൈതാനത്ത് തടിയില്‍ നിർമിച്ച 2 ഡ്രമ്മുകളിലായാണ് ലൈൻ വലിക്കാനായി ഉപയോഗിക്കുന്ന എബിസി കേബിള്‍ സൂക്ഷിച്ചിരുന്നത്.
Advertisements
കുറ്റിക്കാടിന് തീപിടിച്ചപ്പോള്‍ കേബിളിലേക്കും തീ പടരുകയായിരുന്നു. ഉടൻ തന്നെ നാട്ടുകാർ തീയണക്കാൻ ശ്രമിച്ചെങ്കിലും പരാജയപ്പെട്ടതോടെ തകഴിയില്‍ നിന്നെത്തിയ ഫയർ ഫോഴ്സ് അര മണിക്കൂറോളം ശ്രമിച്ചാണ് തീയണച്ചത്. ദേശീയ പാതക്കരികിലെ ഈ പ്രദേശം മാലിന്യക്കൂമ്പാരമായി മാറിയിരിക്കുകയാണ്. ഇവിടെ എങ്ങനെ തീ പിടുത്തമുണ്ടായെന്ന് വ്യക്തമായിട്ടില്ല. ഒരാഴ്‌ച മുൻപും സമീപത്ത് കാടിന് വലിയ രീതിയില്‍ തീ പിടുത്തമുണ്ടായിരുന്നു.
