പെണ്ണേ നീ പൊന്നേ നീ…. ‘തട്ടാശ്ശേരി കൂട്ട’ത്തിലെ ആദ്യ ​ഗാനമെത്തി

അർജുൻ അശോകൻ കേന്ദ്രകഥാപാത്രത്തെ അവതരിപ്പിക്കുന്ന പുതിയ ചിത്രം ‘തട്ടാശ്ശേരി കൂട്ട’ത്തിലെ ആദ്യ ​ഗാനമെത്തി. റാം ശരത് സം​ഗീതം നൽകിയ ​ഗാനം എഴുതിയിരിക്കുന്നത് സഖി എൽസയാണ്. സൂരജ് സന്തോഷ് ആണ് ഈ മനോഹര മെലഡി​ഗാനം ആലപിച്ചിരിക്കുന്നത്. പ്രിയംവദ കൃഷ്ണൻ നായികയായി എത്തുന്ന ചിത്രത്തിന്റെ സംവിധാനം അനൂപ് പത്മനാഭൻ ആണ്. ഗ്രാന്റ് പ്രൊഡക്ഷൻസിന്റെ ബാനറിൽ ദിലീപ് നിർമ്മിക്കുന്ന ഈ ചിത്രത്തിൽ ഗണപതി, വിജയരാഘവൻ, സിദ്ദിഖ്, അനീഷ് ഗോപൻ, ഉണ്ണി രാജൻ പി ദേവ്, അല്ലു അപ്പു, സുരേഷ് മേനോൻ, ശ്രീലക്ഷമി, ഷൈനി സാറ തുടങ്ങിയവരും അഭിനയിച്ചിരിക്കുന്നു.

കഥാകാരൻ സന്തോഷ് ഏച്ചിക്കാനമാണ് ചിത്രത്തിന് തിരക്കഥ,സംഭാഷണം എഴുതിയിരിക്കുന്നത്. ജിയോ പി വിയുടേതാണ് കഥ. ജിതിൻ സ്റ്റാൻസിലോവ്സ് ആണ് ഛായാഗ്രാഹകൻ. ബി കെ ഹരിനാരണൻ, രാജീവ് ഗോവിന്ദൻ, സഖി എൽസ എന്നിവരുടെ വരികൾക്ക് ശരത്ത് ചന്ദ്രൻ സംഗീതം പകരുന്നു. ഹരിശങ്കർ, നജീം അർഷാദ്, നന്ദു കർത്ത, സിത്താര ബാലകൃഷ്ണൻ എന്നിവരാണ് ഗായകർ. എക്സിക്യൂട്ടീവ് പ്രൊഡ്യൂസേഴ്സ് കെ പി ജോണി, ചന്ദ്രൻ അത്താണി, ശരത്ത് ജി നായർ, ബൈജു എൻ ആർ, പ്രൊജക്റ്റ് ഹെഡ് റോഷൻ ചിറ്റൂർ, പ്രൊഡക്ഷൻ കൺട്രോളർ ഷാഫി ചെമ്മാട്, ചീഫ് അസോസിയേറ്റ് ഡയറക്ടർ സുധീഷ്, കലാസംവിധാനം അജി കുറ്റ്യാണി.

മേക്കപ്പ് റഷീദ് അഹമ്മദ്‌, വസ്ത്രാലങ്കാരം സഖി എൽസ, എഡിറ്റിംഗ് വി സാജൻ, സ്റ്റിൽസ് നന്ദു, പരസ്യകല കോളിൻ ലിയോഫിൽ, പ്രൊഡക്‌സൻ മാനേജർ സാബു, പ്രൊഡക്ഷൻ എക്സിക്യൂട്ടീവ് ശ്രീക്കുട്ടൻ ധനേശൻ എന്നവരാണ് മറ്റ് അണിയറ പ്രവർത്തകർ. നവംബറിൽ ചിത്രം റിലീസ് ചെയ്യും. ഗ്രാൻസ് റിലീസ് ആണ് ചിത്രം തിയറ്ററുകളിൽ എത്തിക്കുന്നത്. പി ആർ ഒ- എ എസ് ദിനേശ്.