ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ സിറ്റിയുടെ ഒന്നാം സ്ഥാനത്തിന് മണിക്കൂറുകൾ മാത്രമായിരുന്നു ആയുസ്. ബെന്റ്‌ഫോർഡിനെതിരായ മത്സരത്തിൽ എതിരില്ലാത്ത മൂന്നു ഗോളിന് ആഴ്‌സണൽ വിജയിച്ചതോടെയാണ് സിറ്റിയ്ക്ക് ഒന്നാം സ്ഥാനം നഷ്ടമായത്. ഏഴു മത്സരങ്ങളിൽ നിന്ന് ഒരു തോൽവി മാത്രമുള്ള ആഴ്‌സണൽ 18 പോയിന്റുമായി ഒന്നാം സ്ഥാനത്തേയ്ക്ക് കുതിച്ചെത്തി.
Advertisements
17 ആം മിനിറ്റിൽ വില്യം സാലിബയാണ് ആഴ്‌സണലിനു വേണ്ടി ആദ്യ ഗോൾ നേടിയത്. 11 മിനിറ്റിന് ശേഷം ഗബ്രിയേൽ ജിസൂസ് തകർപ്പൻ ഒരു ഗോളാടെ ലീഡ് ഉയർത്തി. രണ്ടാം പകുതി ആരംഭിച്ച് നിമിഷങ്ങൾക്കകം തന്നെ ഫിബിയോ വിയേര മൂന്നാം ഗോളും തകർത്ത് ലീഡ് ഉയർത്തി. പിന്നീട് അവസാനം വരെ ഒരു ഗോൾ പോലും വഴങ്ങാതെ പിടിച്ചു നിന്ന ആഴ്‌സണൽ ഉജ്വല വിജയവും സ്വന്തമാക്കി.
