കോട്ടയം: തൃക്കൊടിത്താനത്ത് ഓട്ടോ ഡ്രൈവറെ ആക്രമിച്ച കേസില്‍ അഞ്ച് പ്രതികള്‍ അറസ്റ്റിൽ.
കൂനന്താനം നെടുംകുന്നത്ത് പുതുപ്പറമ്പ് വീട്ടില്‍ പി.എം. സജിമോന്‍ (45), ചങ്ങനാശ്ശേരി മറ്റം ലാക്കുളം അമീന്‍ മുഹമ്മദ് (22), കൂനന്താനം വെരൂര്‍ തൈക്കൂട്ടത്തില്‍ സുധീര്‍ (30), കൂനന്താനം ചീരംച്ചിറ തൈക്കൂട്ടത്തില്‍ അല്‍ അമീന്‍ (31), മാടപ്പള്ളി പെരുമ്ബനച്ചി ചുങ്കത്തില്‍ വീട്ടില്‍ ഫൈസല്‍ (31) എന്നിവരെയാണ് തൃക്കൊടിത്താനം പൊലീസ് അറസ്റ്റ് ചെയ്തത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കുരിശുംമൂട് ഓട്ടോ സ്റ്റാന്‍ഡിലെ ലിബിന്‍ മാത്യുവിനെ ആക്രമിച്ച കേസിലാണ് അറസ്റ്റ്. ലിബിന്‍ മാത്യുവും പ്രതികളുടെ ബന്ധുവും തമ്മില്‍ ഓണാഘോഷ പരിപാടിയുമായി ബന്ധപ്പെട്ട് പ്രശ്നങ്ങള്‍ നിലനിന്നിരുന്നതായി പൊലീസ് പറഞ്ഞു. ഇതി‍െന്‍റ വൈരാഗ്യത്തില്‍ പ്രതികള്‍ കഴിഞ്ഞദിവസം ഓട്ടോ സ്റ്റാന്‍ഡിലെത്തി ലിബിന്‍ മാത്യുവിനെ ഓട്ടം വിളിച്ചുകൊണ്ടുപോവുകയും വെങ്കോട്ട ഭാഗത്ത് വെച്ച്‌ ആക്രമിക്കുകയുമായിരുന്നു.
