ബി.ടി.ഇ.എഫ് മൂന്നാം സംസ്ഥാന സമ്മേളനം 2025 ഫെബ്രുവരി 22 (ശനിയാഴ്ച) രാവിലെ 9.30 ന് നടക്കും. മാമൻമാപ്പിള ഹാളിൽ നടക്കുന്ന പരുപാടി സഹകരണ, തുറുമുഖ, രജിസ്ട്രേഷൻ, ദേവസ്വം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്യും. രാവിലെ 9 മണിക്ക് സംസ്ഥാന പ്രസിഡൻ്റ് അഡ്വ. കെ.വി. ജോർജ് പതാക ഉയർത്തുന്നതോടെ സമ്മേളന നടപടികൾ ആരംഭിക്കും. സംസ്ഥാന സെക്രട്ടറി കെ.എസ്. രവീന്ദ്രൻ കഴിഞ്ഞ മൂന്ന് കൊല്ലത്തെ പ്രവർത്തന റിപ്പോർട്ടും, ട്രഷറർ കാദർക്കുട്ടി കണക്കും അവതരിപ്പിക്കും.
ബി.ഇ.എഫ്.ഐ അഖിലേന്ത്യാ പ്രസിഡൻ്റ് എസ്. എസ്. അനിൽ, ബി.ഇ.എഫ്.ഐ സംസ്ഥാന ജനറൽ സെക്രട്ടറി എൻ. സനിൽ ബാബു തുടങ്ങിയവർ സമ്മേളനത്തെ അഭിവാദ്യം ചെയ്ത് സംസാരിക്കും. നാനൂറ് പ്രതിനിധികൾ പങ്കെടുക്കുന്ന സമ്മേളനം അടുത്ത മൂന്ന് കൊല്ലത്തെ ഭാരവാഹി തെരഞ്ഞടുപ്പോട് കൂടി സമാപിക്കും. അഡ്വ. കെ.വി. ജോർജിൻ്റെ അദ്ധ്യക്ഷതയിൽ ചേരുന്ന സമ്മേളനത്തിൽ സ്വാഗതസംഘം ചെയർമാൻ ടി.ആർ. രഘുനാഥൻ സ്വാഗതവും ജില്ലാ സെക്രട്ടറി തുഷാര. എസ്. നായർ കൃതജ്ഞയും പ്രകാശിപ്പിക്കും.