ശ്രീനഗർ: ബാരാമുള്ളയിലെ സോപോറിൽ സുരക്ഷാ സേനയും ഭീകരരും തമ്മിലുണ്ടായ ഏറ്റമുട്ടലില്‍ രണ്ട് ഭീകരരെ സുരക്ഷാ സേന വധിച്ചതായി റിപ്പോർട്ട്‌. ഇന്നലെ രാത്രി മുതല്‍ പ്രദേശത്ത് ഭീകരർക്കായുള്ള തെരച്ചില്‍ നടന്നിരുന്നു. ഇതിനിടയില്‍ ഭീകരർ സുരക്ഷാ സേനയ്‌ക്ക് നേരെ വെടിയുതിർത്തു. ഇതിനെതിരെ സൈന്യം ശക്തമായി തിരിച്ചടിച്ചെന്നും അധികൃതർ വ്യക്തമാക്കി.
Advertisements
കൂടുതല്‍ ഭീകരർ പ്രദേശത്ത് തമ്പടിച്ചിരിക്കുന്നതായാണ് വിവരം. ഇവർ പ്രദേശവാസികളുടെ വീടുകളിലുണ്ടോയെന്നതടക്കം പരിശോധിക്കുകയാണ്. ബാരാമുള്ള ഉള്‍പ്പെടെയുള്ള സ്ഥലങ്ങളില്‍ സുരക്ഷ വർദ്ധിപ്പിച്ചതായി സൈന്യം അറിയിച്ചു.
