പ്രേക്ഷകരെ ഞെട്ടിച്ച് ‘മിറൽ’ സ്‍നീക്ക് പീക്ക് വീഡിയോ പുറത്ത്

ഭരത് നായകനാകുന്ന പുതിയ ചിത്രമാണ് ‘മിറൽ’. എം ശക്തിവേലാണ് ചിത്രം സംവിധാനം ചെയ്യുന്നത്. എം ശക്തിവേൽ തന്നെയാണ് ചിത്രത്തിന്റെ തിരക്കഥയും എഴുതിയിരിക്കുന്നത്. ‘മിറൽ’ എന്ന ചിത്രത്തിന്റെ ഒരു സ്‍നീക്ക് പീക്ക് വീഡിയോ പുറത്തുവിട്ടിരിക്കുകയാണ് ഇപ്പോൾ. ഭരതിന് പുറമേ കെ എസ് രവികുമാർ, മീര കൃഷ്‍ണൻ, രാജ്‍കുമാർ, കാവ്യ അറിവുമണി തുടങ്ങിയവർ പ്രധാന കഥാപാത്രങ്ങളെ അവതരിപ്പിക്കുന്നു ചിത്രം നവംബർ 11ന് തിയറ്ററുകളിലെത്തും. പ്രസാദ് എസ് എൻ ആണ് സംഗീത സംവിധാനം നിർവഹിക്കുന്നത്. സുരേഷ് ബാലയാണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. ഭരത് നായകനാകുന്ന ചിത്രത്തിന്റെ എഡിറ്റർ കലൈവാനൻ ആർ.

‘രാക്ഷസൻ’ എന്ന സ്ലാഷർ സൈക്കോളജിക്കൽ ത്രില്ലറിലൂടെ ശ്രദ്ധ നേടിയ നിർമ്മാണക്കമ്പനി ആക്സസ് ഫിലിം ഫാക്റ്ററി നിർമ്മിച്ച പുതിയ ചിത്രമാണ് ഇത്. ആക്സസ് ഫിലിം ഫാക്ടറിയുടെ ബാനറിൽ ജി ഡില്ലി ബാബുവാണ് നിർമാണം. എക്സിക്യൂട്ടീവ് പ്രൊഡ്യൂസർ എസ് സേതുരാമലിംഗം. അഖിൽ, ആഷിക് എന്നിവരുടെ ഉടമസ്ഥതയിലുള്ള ഫ്ലെമിംഗോ ബ്ലൂസ് ആണ് ‘മിറൽ’ കേരളത്തിൽ പ്രദർശനത്തിനെത്തിക്കുന്നത്.

കലാസംവിധാനം മണികണ്ഠൻ ശ്രീനിവാസൻ. ആക്ഷൻ കൊറിയോഗ്രഫി ഡേയ്ഞ്ചർ മണി, സൗണ്ട് ഡിസൈർ സച്ചിൻ സുധാകരൻ, ഹരിഹരൻ എം, വസ്ത്രാലങ്കാരം ശ്രീദേവി ഗോപാലകൃഷ്‍ണൻ, വസ്ത്രാലങ്കാരം എം മുഹമ്മദ് സുബൈർ, മേക്കപ്പ് വിനോദ് സുകുമാരൻ, പിആർഒ എ എസ് ദിനേശ് എന്നിവരാണ്. എസ് ഷങ്കറിന്റെ ‘ബോയ്‍സ്’ എന്ന ചിത്രത്തിലൂടെയാണ് ഭരത് വെള്ളിത്തിരയിൽ അരങ്ങേറുന്നത്. തുടർന്ന് അങ്ങോട്ട് ഭരത് വിവിധ ഭാഷകളിൽ ഒട്ടേറെ മികച്ച സിനിമകളുടെ ഭാഗമായി. ജയരാജിന്റെ ‘ഫോർ ദ പ്യൂപ്പിൾ’, ‘വെയിൽ’, ‘ചെന്നൈ കാതൽ’, ‘കണ്ടേൻ കാതലൈ’ , ‘കില്ലാഡി’ തുടങ്ങിയവയാണ് ഭരതിന്റെ ശ്രദ്ധേയ ചിത്രങ്ങൾ.