ബിഗ് ബോസ് മലയാളം സീസൺ 5 ഉടൻ ; ഗോൾഡൻ ലുക്കിൽ പുതിയ ലോഗോ പുറത്ത് , ഷോയുടെ മുഖമായി ഇത്തവണയും മോഹൻലാൽബിഗ് ബോസ് മലയാളം സീസൺ 5 ന്റെ ലോഗോ ഏഷ്യാനെറ്റ് പുറത്തു വിട്ടു. കഴിഞ്ഞ വർഷങ്ങളിൽ നിന്നും വിപരീതമായി ഗോൾഡൻ ലുക്കിലാണ് ലോഗോ തയ്യാറാക്കിയിരിക്കുന്നത്. മോഹൻലാൽ തന്നെയാകും ഇത്തവണയും ഷോ അവതരിപ്പിക്കുന്നത്.
ഭാരതി എയർടെല്ലിന്റെ 5ജി പ്ലസാണ് ഷോയുടെ പ്രധാന സ്പോൺസർ. സ്വയംവര സിൽക്സും ഇന്ത്യ ഗേറ്റും ഡാസ്ലർ എറ്റേണലും സഹ സ്പോൺസർമാരായുണ്ട്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇത്തവണ ഷോയിൽ ആരൊക്കെയാണ് മത്സരിക്കുക എന്നുള്ള വിവരം ഇതുവരെ പുറത്തു വന്നിട്ടില്ല. വ്യത്യസ്‍ത മേഖലകളിലുളള മത്സരാർത്ഥികൾക്കൊപ്പം എയര്‍ടെല്‍ മുഖേന ഒരാളെ പൊതുജനങ്ങളില്‍ നിന്ന് തിരഞ്ഞെടുക്കുന്നു എന്ന പ്രത്യേകത കൂടി ഈ സീസണിനുണ്ട്.
ഏഷ്യാനെറ്റിന് പുറമെ ഡിസ്‌നി പ്ലസ് ഹോട്ട് സ്റ്റാറില്‍ 24 x 7 സംപ്രേക്ഷണവും ഉണ്ടായിരിക്കുന്നതാണ്. എന്നായിരിക്കും ബിഗ് ബോസ് സീസണ്‍ 5 തുടങ്ങുക എന്ന് അറിയിച്ചിട്ടില്ല.