കൊൽക്കത്ത : ലോക കപ്പിലെ തകർപ്പൻ പ്രകടനം തുടരുന്ന കോഹ്ലി 49 അം സെഞ്ച്വറി നേടി സച്ചിനൊപ്പം എത്തി. കോഹ്ലിയുടെ സെഞ്ച്വറിയുടെ ബലത്തിൽ ഇന്ത്യ ദക്ഷിണാഫ്രിക്കയ്ക്ക് എതിരെ മികച്ച സ്കോറിൽ എത്തി. ടോസ് നേടിയ ഇന്ത്യ ബാറ്റിങ് തിരഞെടുക്കുകയായിരുന്നു. രോഹിതും (40), ഗില്ലും (23), ചേർന്ന് മികച്ച തുടക്കമാണ് നൽകിയത്. 62 ൽ ശർമ്മയും , 93 ൽ ഗില്ലും വീണപ്പോൾ പത്ത് ഓവർ മാത്രമാണ് ആയത്. പിന്നാലെ കോഹ്ലിയും (100) , അയ്യരും (77) ചേർന്ന് ടീമിനെ മുന്നോട്ട് നയിച്ചു. 227 ൽ അയ്യർ പുറത്തായ ശേഷം എത്തിയ രാഹുൽ (8) നിരാശപ്പെടുത്തി. 14 പന്തിൽ 22 റൺ അടിച്ച സൂര്യ ആക്രമിച്ച് കളിച്ചതാണ് സ്കോർ ഉയർത്തിയത്. പിന്നാലെ എത്തിയ ജഡേജ 14 പന്തിൽ 28 റണ്ണടിച്ച് ടീമിനെ 300 കടത്തി. ദക്ഷിണാഫ്രിക്കയ്ക്ക് വേണ്ടി എൻഡിനി , ജാനിസൺ , റബാൻഡ , മഹാരാജ് , ഷംസി എന്നിവർ ഓരോ വിക്കറ്റ് വീതം വീഴ്ത്തി. ഇന്ത്യ അഞ്ച് വിക്കറ്റ് നഷ്ടമാക്കി 326 റണ്ണാണ് നേടിയത്.
പിറന്നാൾ ദിനത്തിൽ ദൈവത്തിനൊപ്പം എത്തി രാജാവ് ! ഇന്ത്യയെ രക്ഷിച്ചത് കോഹ്ലിയുടെ 49 ആം സെഞ്ച്വറി
