ചെന്നൈ : കൃഷ്ണഗിരിയില്‍ എൻ.സി.സി. വ്യാജ ക്യാമ്പ് പീഡനക്കേസിലെ മുഖ്യപ്രതിയുടെയും പിതാവിന്റേയും ദുരൂഹ മരണത്തില്‍ പ്രത്യേക അന്വേഷണ സംഘം രൂപീകരിച്ച്‌ സത്യാവസ്ഥ പുറത്തുകൊണ്ടുവരണമെന്ന് ബിജെപി സംസ്ഥാന അധ്യക്ഷൻ അണ്ണാമലൈ. ഇത് സംബന്ധിച്ച്‌ അണ്ണാമലൈ എക്‌സില്‍ പുറത്തിറക്കിയ പ്രസ്താവനയിലാണ് ഈ ആവശ്യം ഉന്നയിച്ചത്. “കൃഷ്ണഗിരി ജില്ല പാർക്കൂരിനടുത്ത് സ്വകാര്യ സ്‌കൂളില്‍ വ്യാജ എൻസിസി ക്യാമ്പ് നടത്തി സ്‌കൂള്‍ വിദ്യാർത്ഥിനികളെ ലൈംഗികമായി പീഡിപ്പിച്ച കേസില്‍ നാം തമിഴ്‌നാട് പാർട്ടി ഭാരവാഹി ശിവരാമൻ എലിവിഷം കഴിച്ചു മരിച്ചെന്ന വാർത്തകള്‍ പുറത്തുവരുന്നു.
കഴിഞ്ഞ 19-ന് അയാളെ അറസ്റ്റ് ചെയ്തിരുന്നു. എന്നാൽ എലിവിഷം കഴിച്ചതു സംബന്ധിച്ച വിവരങ്ങള്‍ പുറത്തുവന്നിരുന്നില്ല. ആശുപത്രിയിലും അയാള്‍ക്ക് എന്തെങ്കിലും അസുഖം ഉള്ളതായി തോന്നിയില്ല. ഇപ്പോള്‍ വാർത്തകളില്‍ പറയുന്നത് കഴിഞ്ഞ 16 മുതല്‍ 18 വരെ രണ്ട് ദിവസങ്ങളിലും അയാള്‍ എലി വിഷം കഴിച്ചതായിട്ടാണ്.
23.08.2024 രാവിലെ അയാള്‍ മരണമടഞ്ഞതായി പ്രഖ്യാപിക്കപ്പെട്ടിരിക്കുന്നു. കഴിഞ്ഞ 16 മുതല്‍ 18 വരെയുള്ള തീയതികളില്‍ എലിവിഷം കഴിച്ചതായി പറയപ്പെട്ടയാള്‍, ഇന്നലെ വൈകുന്നേരം വരെ അഞ്ച് ദിവസമായി ഏതെങ്കിലും തരത്തിലുള്ള അസ്വസ്ഥതകള്‍ ഇല്ലാതെ മരിച്ചിരിക്കുന്നു. അഞ്ച് ദിവസമായി, കാല്‍ തകർന്ന അവസ്ഥയില്‍ ആശുപത്രിയില്‍ ചികിത്സ ലഭിച്ച ഒരാള്‍ക്ക്, ശരീരത്തില്‍ മറ്റെന്തെങ്കിലും പ്രശ്‌നങ്ങള്‍ ഉണ്ടായതായി കണ്ടില്ലേ? കൂടാതെ പിതാവ് അശോക് കുമാറും വാഹനാപകടത്തില്‍ മരിച്ചതായാണ് വിവരം. രണ്ട് മരണങ്ങളും ദുരൂഹതയുള്ളതാണ്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ലൈംഗിക കുറ്റകൃത്യത്തില്‍ ഉള്‍പ്പെട്ട പ്രധാന വ്യക്തികളുടെ പേരുകള്‍ മറ്റാരെങ്കിലും വെളിപ്പെടുത്തുമെന്ന് ഭയന്ന് ശിവരാമൻ കൊല്ലപ്പെട്ടിരിക്കുമോയെന്ന് പ്രത്യേക അന്വേഷണ സംഘം പരിശോധിക്കണം. കേസില്‍ ഉള്‍പ്പെട്ടവരെല്ലാം യഥാർത്ഥത്തില്‍ കുറ്റവാളികളാണോ അതോ ആരെയെങ്കിലും രക്ഷിക്കാനുള്ള ശ്രമത്തിലാണോ അച്ഛന്റെയും മകന്റെയും മരണം നടന്നതെന്ന സംശയം ശക്തമാണ്. സ്‌കൂള്‍ വിദ്യാർത്ഥിനികള്‍ക്കെതിരായ ലൈംഗികാതിക്രമം സംബന്ധിച്ച്‌ രൂപീകരിച്ച പ്രത്യേക അന്വേഷണ സമിതി സമഗ്രമായ അന്വേഷണം നടത്തി ഈ ചോദ്യങ്ങള്‍ക്കുള്ള യഥാർത്ഥ ഉത്തരം പുറത്തുകൊണ്ടുവരണമെന്നും കെ അണ്ണാമലൈ പറഞ്ഞു.
