മൂവി ഡെസ്ക്ക് : മലയാള സിനിമാ പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മമ്മൂട്ടിയുടെ ബസൂക്ക. ഡീനോ ഡെന്നിസ് സംവിധാനം ചെയ്യുന്ന ചിത്രത്തില്‍ തമിഴ് നടനും സംവിധായകനുമായ ഗൗതം വാസുദേവ് മേനോനും ഒരു പ്രധാനപ്പെട്ട വേഷം ചെയ്യുന്നുണ്ട്.ആക്ഷന് പ്രധാന്യം നല്‍കുന്നതാണ് സിനിമയെന്ന് ഫസ്റ്റ് ലുക്ക് പോസ്റ്ററില്‍ നിന്നും വ്യക്തമായിരുന്നു. ഇപ്പോഴിതാ മമ്മൂക്ക പുറത്തുവിട്ട ബസൂക്കയുടെ ഒരു പുതിയ പോസ്റ്ററാണ് സമൂഹ മാധ്യമങ്ങളില്‍ വൈറലാകുന്നത്.
നാളെ അഞ്ച് മണിയ്ക്ക് ബസൂക്കയുടെ പുതിയ വിവരങ്ങള്‍ പുറത്തുവിടുമെന്നാണ് മമ്മൂക്ക പങ്കുവെച്ച പോസ്റ്ററില്‍ സൂചിപ്പിക്കുന്നത്. ചിത്രത്തിലെ മമ്മൂക്കയുടെ വാഹനത്തിന്റേതെന്ന് തോന്നിക്കുന്ന ഒരു ചിത്രവും ഈ പോസ്റ്ററില്‍ ഉള്‍പ്പെടുത്തിയിട്ടുണ്ട്. ഒരു കംപ്ലീറ്റ് ആക്ഷൻ പാക്കേജ് ആയിരിക്കും ബസൂക്ക എന്ന സൂചനകള്‍ ഈ പോസ്റ്റ്ററില്‍ നിന്ന് വ്യക്തമാവുകയാണ്.
