സ്പോർട്സ് ഡെസ്ക്ക് : എഎഫ്സി കപ്പില്‍ മോഹൻ ബഗാന് പരാജയം. ധാക്കയില്‍ നടന്ന മത്സരത്തില്‍ ബസുന്ധര കിങ്സിനെ നേരിട്ട മോഹൻ ബഗാൻ ഒന്നിനെതിരെ രണ്ടു ഗോളുകള്‍ക്ക് ആണ് പരാജയപ്പെട്ടത്.മോഹൻ ബഗാന്റെ ഗ്രൂപ്പ് ഘട്ടത്തിലെ ആദ്യ പരാജയമാണിത്. 17ആം മിനുട്ടില്‍ ലിസ്റ്റണ്‍ കൊളാസോയിലൂടെ മോഹൻ ബഗാൻ ആണ് ലീഡ് എടുത്തത്. എന്നിട്ടും അവര്‍ പരാജയപ്പെട്ടു.44ആം മിനുട്ടില്‍ ഫിഗുവേരയിലൂടെ ബസുന്ധര കിങ്സ് സമനില കണ്ടെത്തി. രണ്ടാം പകുതിയില്‍ 80ആം മിനുട്ടില്‍ റൊബീഞ്ഞോയിലൂടെ അവര്‍ വിജയവും കണ്ടെത്തി. ഈ വിജയത്തോടെ ബസുന്ധര കിങ്സ് ഗ്രൂപ്പില്‍ ഏഴ് പോയിന്റുമായി ഒന്നാമത് എത്തി. മോഹൻ ബഗാനും ഏഴ് പോയിന്റ് തന്നെയാണ് ഉള്ളത്‌. അവര്‍ 2ആം സ്ഥാനത്ത് നില്‍ക്കുന്നു. 6 പോയിന്റുമായി ഒഡീഷ തൊട്ടുപിറകിലും നില്‍ക്കുന്നു.
Advertisements
