കോഴിക്കോട്: മുഖ്യമന്ത്രി പിണറായി വിജയന്റെ വാഹനവ്യൂഹത്തിനിടയിലേക്ക് ബസ് കയറ്റിയ സംഭവത്തില്‍ ഡ്രൈവര്‍ക്കെതിരെ പൊലീസ് കേസെടുത്തു. അശ്രദ്ധമായി വാഹനമോടിച്ചെന്ന് ആരോപിച്ച് കുന്നമംഗലം പടനിലം ചെമ്പറ്റച്ചെരുവില്‍ സ്വദേശി രാജേഷിനെതിരെയാണ് ട്രാഫിക് പൊലീസ് കേസെടുത്തത്. അശ്രദ്ധമായും മറ്റ് യാത്രക്കാരുടെ ജീവന് അപകടം വരുത്തുന്ന തരത്തിലും ബസ് ഓടിച്ചതിനാണ് കേസ് എടുത്തതെന്ന് ട്രാഫിക് പൊലീസ് വ്യക്തമാക്കി.
ബസ് പൊലീസ് ഇന്നലെ കസ്റ്റഡിയിലെടുത്തിരുന്നു. കഴിഞ്ഞ വ്യാഴാഴ്ച വൈകിട്ട് നാലോടെ കോഴിക്കോട് പറയഞ്ചേരിയിലായിരുന്നു സംഭവം. കോവൂരില്‍ ഒരു പരിപാടിയില്‍ പങ്കെടുത്ത് മടങ്ങുകയായിരുന്നു മുഖ്യമന്ത്രി. ഇതിനിടയില്‍ പറയഞ്ചേരി സ്റ്റോപ്പില്‍ നിര്‍ത്തിയിട്ട നരിക്കുനി- കോഴിക്കോട് റൂട്ടില്‍ ഓടുന്ന കെഎല്‍ 56 എല്‍ 2614 നമ്പറിലുള്ള കിനാവ് ബസ് മുഖ്യമന്ത്രിയുടെ വാഹനവ്യൂഹത്തിനുള്ളിലേക്ക് കയറുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
വാഹനവ്യൂഹത്തിലെ വാണിങ് പൈലറ്റ്, അഡ്വാന്‍സ്ഡ് പൈലറ്റ് എന്നീ വാഹനങ്ങള്‍ക്ക് പിറകിലായാണ് ബസ് കയറിയത്. ഉടന്‍ തന്നെ ബസ് അരികിലേക്ക് മാറ്റി നിര്‍ത്തി വഴി ഒരുക്കുകയും ചെയ്തു.
