ന്യൂസ് ഡെസ്ക് : യുവേഫ ചാമ്പ്യൻസ് ലീഗില്‍ പി എസ് ജി ക്വാർട്ടർ ഫൈനലിലേക്ക്. സൂപ്പർസ്റ്റാർ സ്ട്രൈക്കർ കിലിയൻ എംബാപ്പയുടെ മികവിലാണ് പി എസ് ജി റയല്‍ സോസിഡാഡിനെ പരാജയപ്പെടുത്തിയത്. ഒന്നിനെതിരെ രണ്ടു ഗോളുകള്‍ക്കായിരുന്നു പി എസ് ജിയുടെ വിജയം. ആദ്യപാദത്തില്‍ ഒന്നേ പൂജ്യത്തിലും പിഎസ്ജി വിജയിച്ചിരുന്നു. ഇതോടെ 3-1 എന്ന അഗ്രിഗേറ്റ് സ്കോറിന് പി എസ് ജി സ്പാനിഷ് ടീമിനെ മറികടന്നു.എംബപ്പെ ആണ് ഇന്നലെ പി എസ് ജിയുടെ ഹീറോ ആയത്. പതിനഞ്ചാം മിനിറ്റില്‍ എംബാപ്പെ പി എസ് ജിക്ക് ലീഡ് നല്‍കി. 66 മിനിറ്റ് വരെ തുടർന്ന് 66 മിനിറ്റില്‍ വീണ്ടും അദ്ദേഹം തന്നെ ലീഡ് ഉയർത്തി. എംബാപ്പയുടെ ചാമ്ബ്യൻസ് ലീഗിലെ 46ആം ഗോള്‍ ആയിരുന്നു ഇത്. ഈ സീസണല്‍ എംബാപ്പ 34 മത്സരങ്ങളില്‍ നിന്നും 34 ഗോളുകള്‍ അടിച്ചിട്ടുണ്ട്. സോസിഡാഡിന്റെ ഗോള്‍ വന്നത് 89ആം മിനിറ്റില്‍ മെറിനോയുടെ വകയായിരുന്നു അത് ഒരു ആശ്വാസമായി മാത്രം മാറി.
