തിരുവനന്തപുരം : പിണറായി വിജയനെ മുഖ്യമന്ത്രിയാക്കുന്നതിന് സൈബർ ഇടങ്ങളില്‍ ഏറ്റവുമധികം പോരാടിയ പോരാളി ഷാജിയെ ഭരണത്തിന്‍റേയും പാർട്ടിയുടെയും തെറ്റുകള്‍ ചൂണ്ടിക്കാട്ടിയതിന്‍റെ പേരില്‍ ക്രൂശിക്കുന്നത് സ്റ്റാലിനിസമാണെന്ന് ചെറിയാന്‍ ഫിലിപ്പ്. പതിനഞ്ചു വർഷത്തിലധികമായി സി.പി.എം നേതാക്കളും പ്രവർത്തകരും ഏറ്റവുമധികം ഷെയർ ചെയ്തിട്ടുള്ളത് പോരാളി ഷാജി സൈബർ സംഘത്തിന്‍റെ പോസ്റ്റുകളാണ്. എ.കെ.ജി സെന്‍ററില്‍ പ്രവർത്തിച്ചിരുന്ന സി.പി.എം സൈബർ വിഭാഗം ഏറ്റവുമധികം പകർത്തിയത് പോരാളി ഷാജിയുടെ പോസ്റ്റുകളാണ്. പോരാളി ഷാജി ആരെന്ന് എം.വി ഗോവിന്ദനും എം.വി. ജയരാജനും അറിയില്ലെങ്കില്‍ പി. ജയരാജനോട് ചോദിച്ചാല്‍ മതി. അദ്ദേഹം പറയുന്നില്ലെങ്കില്‍ ഞാൻ പറഞ്ഞു തരാമെന്നും ചെറിയാന്‍ ഫിലിപ്പ് പരിഹസിച്ചു.
Advertisements