സിഡ്നി : ട്വൻ്റി-20 ലോകകപ്പിൽ വീണ്ടും അട്ടിമറി; അയർലൻ്റ് വെസ്റ്റ് ഇൻഡീസിനെ തകർത്തത് ഒൻപത് വിക്കറ്റിന് . തോൽവിയോടെ രണ്ട് വട്ടം ചാമ്പ്യന്മാരായ വിന്‍ഡീസ് പുറത്തായി, അയര്‍ലന്‍റ് സൂപ്പര്‍ 12 ല്‍. വിൻഡീസ് ഉയർത്തിയ 147 റൺസ് വിജയലക്ഷ്യം അയർലൻ്റ് അനായാസം മറികടന്നു. 15 പന്തുകൾ ബാക്കി നില്ക്കേയാണ് അയർലൻ്റ് മിന്നും ജയം നേടിയത്.
Advertisements
അയർലൻ്റിനായി പോൾ സ്റ്റെർലിംഗ് 48 ബോളിൽ പുറത്താകാതെ 66 റൺസ് നേടി. നേരത്തെ ബ്രൻ്റൺ കിംഗിൻ്റെ മികച്ച ഇന്നിംഗ്സാണ് വിൻഡീസിനെ പൊരുതാവുന്ന സ്കോറിലെത്തിച്ചത്. കിംഗ് 48 ബോളിൽ പുറത്താകാതെ 62 റൺസ് നേടി. നാലോവറിൽ 16 റൺസ് വഴങ്ങി മൂന്ന് വിക്കറ്റെടുത്ത ഗാരത് ഡെലനിയാണ് വിൻഡീസിനെ തകർത്തത്.
ഡെലനി തന്നെയാണ് കളിയിലെ താരവും.
