സ്പോർട്സ് ഡെസ്ക്ക് : ക്രിക്കറ്റ് ലോകകപ്പിന്റെ തുടക്കം മുതല്‍ പേസര്‍ മുഹമ്മദ് ഷമി ഇന്ത്യയുടെ പ്ലേയിംഗ് ഇലവന്റെ ഭാഗമാകേണ്ടതായിരുന്നുവെന്ന് മുൻ ഇന്ത്യൻ ഓപ്പണിംഗ് ബാറ്റര്‍ ഗൗതം ഗംഭീര്‍ പറഞ്ഞു.ടൂര്‍ണമെന്റിലെ ആദ്യ നാലു മത്സരങ്ങളില്‍ ഷമി ഇന്ത്യൻ ടീമില്‍ ഉണ്ടായിരുന്നില്ല. ഇന്നലെ ആദ്യമായി കളിച്ചപ്പോള്‍ 5 വിക്കറ്റ് നേടി കളിയിലെ താരമാവുകയും ചെയ്തിരുന്നു. സ്റ്റാര്‍ സ്‌പോര്‍ട്‌സിനോട് സംസാരിച്ച ഗംഭീര്‍, ഷമിക്ക് ക്ലാസ് താരമാണെന്ന് പറഞ്ഞു,
“ഷമിക്ക് വേറെ ക്ലാസ്സുണ്ട്. അദ്ദേഹത്തെ പുറത്തിരുത്താൻ ഇന്ത്യൻ ടീം മാനേജ്‌മെന്റിന് എളുപ്പമായിരിക്കില്ല. ഇന്ത്യ തുടര്‍ച്ചയായി നാല് മത്സരങ്ങള്‍ വിജയിച്ചിട്ടുണ്ടെന്നതില്‍ സംശയമില്ല, എന്നിരുന്നാലും, തുടക്കം മുതല്‍ മുഹമ്മദ് ഷമി ഈ പ്ലെയിംഗ് ഇലവന്റെ ഭാഗമാകേണ്ടതായിരുന്നു, “ഗംഭീര്‍ പറഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
“ഒരു ധര്‍മ്മശാല ഗ്രൗണ്ടില്‍ അഞ്ച് ബൗളര്‍മാരുമായാണ് ഇന്ത്യ പോയത്, അത് ബൗളര്‍മാര്‍ക്ക് വളരെ ബുദ്ധിമുട്ടാണ്, ടീം മാനേജ്‌മെന്റ് ഇനി ഷമിയെ എങ്ങനെ പുറത്താക്കുമെന്ന് കണ്ടറിയണം. ഹാര്‍ദിക് പാണ്ഡ്യ തിരിച്ചെത്തിയാല്‍ അവര്‍ ഷമിയെ ടീമില്‍ നിര്‍ത്തുമോ?” ഗംഭീര്‍ ചോദിച്ചു.
