കിളിമാനൂര്‍: മദ്യലഹരിയില്‍ വീടിന് തീയിട്ട് ഭാര്യയെയും മക്കളെയും കൊലപ്പെടുത്താന്‍ ശ്രമിച്ച കേസില്‍ യുവാവിനെ പള്ളിക്കല്‍ പൊലീസ് അറസ്റ്റ് ചെയ്തു. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. മടവൂര്‍ ചെങ്കോട്ടുകോണം ചരുവിള വീട്ടില്‍ സുനില്‍ (34) ആണ് അറസ്റ്റിലായത്. ഇക്കഴിഞ്ഞ 19 നാണ് കേസിനാസ്പദമായ സംഭവം. പൊലീസ് പറയുന്നത്: സ്ഥിരം മദ്യപാനിയായ സുനില്‍ വീട്ടിലെത്തി ഭാര്യയെയും മക്കളെയും മര്‍ദിക്കുകയും രാത്രിയില്‍ ഇവരെ വീട്ടില്‍ നിന്നിറക്കി വിടുന്നതും പതിവാണ്.
നിരവധി കേസുകളില്‍ പ്രതിയാണ് ഇയാള്‍. സംഭവ ദിവസം രാത്രി ഒരു മണിയോടെ മദ്യലഹരിയിലെത്തിയ സുനില്‍, പതിവുപോലെ ഭാര്യയെയും കുട്ടികളെയും ഇറക്കിവിടാന്‍ ശ്രമിച്ചു. ഇവര്‍ തയാറാകാത്തതോടെ കുട്ടികളുടെ പുസ്തകങ്ങളും നോട്ട് ബുക്കുകളും വസ്ത്രങ്ങളുമടക്കം വാരിയിട്ട് കത്തിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
തുടര്‍ന്ന്, വീടിന് തീയിട്ടു. തീ പടര്‍ന്നതോടെ അമ്മയും മക്കളും പുറത്തേക്കോടി രക്ഷപ്പെട്ടു. വീട് പൂര്‍ണമായും കത്തിനശിച്ചു. തുടര്‍ന്ന്, ഒളിവില്‍ പോയ പ്രതിയെ പള്ളിക്കല്‍ സ്റ്റേഷന്‍ ഓഫിസറുടെ നേതൃത്വത്തില്‍ അറസ്റ്റ് ചെയ്തു. കോടതിയില്‍ ഹാജരാ ക്കിയ പ്രതിയെ റിമാന്‍ഡ് ചെയ്തു. സി.ഐ പി. ശ്രീജിത്ത്, എസ്.ഐ എം. സഹില്‍, എ.എസ്.ഐ അനില്‍ കുമാര്‍, എസ്.സി.പി.ഒ ജോസഫ് എബ്രഹാം, സി.പി.ഒ ബിനു എന്നിവരുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്.
