വൈക്കം: വൈക്കം സ്വദേശിയായ കെ എസ് ഇ ബി കരാർ തൊഴിലാളിയെ കോഴിക്കോട് നല്ലളത്ത് റെയിൽവേ ട്രാക്കിന് സമീപം വീണ് മരിച്ച നിലയിൽ കണ്ടെത്തി. വൈക്കം പുളിംച്ചുവട് അറക്കാത്തറ വീട്ടിൽ ബാബുവിൻ്റെ മകൻ ശരത്ചന്ദ്രബാബു (30) നെയാണ് കോഴിക്കോട് നല്ലളത്ത് റെയിൽവേ ട്രാക്കിന് സമീപം വീണ് മരിച്ച് കിടന്ന നിലയിൽ കണ്ടെത്തിയത്. ഈ മാസം പത്ത് മുതൽ ഇയാളെ കാണാതായതിനെ തുടർന്ന് മേപ്പയ്യൂർ പോലീസ് കേസ് എടുത്തിരുന്നു. കുയിമ്പിലുത്ത് വാടക വീട്ടിൽ കഴിഞ്ഞിരുന്ന ഇയാൾ കഴിഞ്ഞ 10 ന് ഉച്ചയ്ക്ക് നാട്ടിലേക്ക് പോകുകയാണെന്ന് പറഞ്ഞ് ട്രെയിനിൽ കയറിയതാണ്.
പിന്നീട് വീട്ടിൽ വരാത്തതിനെ തുടർന്ന് ബന്ധുക്കൾ മേപ്പയ്യൂർ പോലീസിൽ പരാതി നൽകിയിരുന്നു. ഇതിനിടെയാണ് വ്യാഴാഴ്ച രാത്രിയോടെ നല്ലളത്ത് റെയിൽവേ ട്രാക്കിന് സമീപം കുറ്റിക്കാട്ടിൽ ഒരാളുടെ മൃതദേഹം അളിഞ്ഞ് കിടന്ന നിലയിൽ കണ്ടെത്തിയത്. പോക്കറ്റിൽ നിന്നും തിരിച്ചറിയൽ കാർഡ് ലഭിച്ചതിനെ തുടർന്ന് പോലീസ് ബന്ധുക്കളെ വിവരം അറിയിക്കുകയായിരുന്നു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സഹോദരനും മറ്റും സ്ഥലത്തെത്തി അടയാളങ്ങളും വസ്ത്രങ്ങളും കണ്ടാണ് മൃതദേഹം തിരിച്ചറിഞ്ഞത്. മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിൽ. ട്രെയിൻ യാത്രക്കിടെ അബദ്ധത്തിൽ താഴെ വീണതാകാമെന്നാണ് നിഗമനം.ഭാര്യ – സോന. ഏകമകൾ – വാൽസല്യ. മേപ്പയ്യൂർ പോലീസ് മേൽനടപടി സ്വീകരിച്ചു.