എബ്രഹാം ഖുറേഷി എത്തുന്നു… എമ്പുരാന്റെ ‘ഫസ്റ്റ് ലുക്ക്’ ഏറ്റെടുത്ത് ആരാധകർ

ആരാധകർ ഏറെ പ്രതീക്ഷയോടെ കാത്തിരിക്കുന്ന ലൂസിഫറിന്റെ രണ്ടാം ഭാഗം എമ്പുരാന്റെ ഓരോ പുതിയ വിശേഷങ്ങളും പുറത്തു വന്നു കൊണ്ടിരിക്കുകയാണ്. രണ്ട് വർഷം മുൻപ് പ്രഖ്യാപിച്ച എമ്പുരാന്റെ ഷൂട്ടിം​ഗ് അ‌ടുത്തിടെ ആരംഭിച്ചിരുന്നു. ഇതിനോ‌ട് അനുബന്ധിച്ച് എമ്പുരാന്റെ ഫസ്റ്റ് ലുക്ക് ഇന്ന് അണിയറ പ്രവർത്തകർ പുറത്തുവി‌ട്ടു.

പോരാട്ട ഭൂമിയിൽ തോക്കുമേന്തി നിൽക്കുന്ന മോഹൻലാലിന്റെ പുറക് വശം ആണ് പോസ്റ്ററിൽ ഉള്ളത്. എന്നാൽ എബ്രഹാം ഖുറേഷിയായുള്ള മോഹൻലാലിന്റെ ഫേസ് കാണിക്കാത്തതിൽ ഉള്ള നിരാശയും ആരാധകർ പങ്കുവെയ്ക്കുന്നുണ്ട്അതേസമയം, പോസ്റ്റർ ഒരു ഫാൻ മേഡ് പോസ്റ്റർ പോലെയാണെന്ന് വിമർശിക്കുന്നവരും ഉണ്ട്. 

ഹൈപ്പ് വേണ്ടാന്ന് വച്ചാണോ ഇങ്ങനെ ഒരു പോസ്റ്റർ ഇറക്കിയതെന്ന് ചോദിക്കുന്നവരും ഉണ്ട്. സംവിധാനം ചെയ്ത ആദ്യ പടം തന്നെ 100 കോടി നേടിയ സംവിധായകന് അതിനപ്പുറം നേടാനാവും എന്ന് തന്നെ പ്രതീക്ഷിക്കുന്നു, മലയാള ഇന്റസ്‌ട്രിയു‌ടെ ആദ്യത്തെ 500കോ‌‌ടി പടം വരാർ, ഇൻഡസ്ട്രിയോട പെരിയ പടം, ചരിത്രം തിരുത്തുന്നതും അയാൾ തന്നെ..ചരിത്രം കുറിക്കുന്നതും അയാൾ തന്നെ..മലയാളത്തിന്റെ മോഹൻലാൽ”, എന്നിങ്ങനെയുള്ള നിരവധി കമന്റുകൾ ഉണ്ട്.

മലയാള സിനിമാസ്വാദകർ കഴിഞ്ഞ ഏറെ നാളുകളായി കാത്തിരിക്കുന്നൊരു സിനിമയുണ്ട്, എമ്പുരാൻ. ന‌‌ടനും ​ഗായകനും പുറമെ താനൊരു മികച്ച സംവിധായകൻ കൂടി ആണെന്ന് പൃഥ്വിരാജ് തെളിയിച്ച, ലൂസിഫറിന്റെ രണ്ടാം ഭാ​ഗമാണ് ഈ ചിത്രം. സ്റ്റീഫൻ നെ‌ടുമ്പള്ളിയായി മോഹൻലാൽ നിറഞ്ഞാ‌‌‌ടിയ ചിത്രം കോരളത്തിലെ ബോക്സ് ഓഫീസ് റെക്കോർഡുകളെ മറിക‌ടന്നത് കൂ‌ടിയായിരുന്നു.